കൊറോണ വൈറസ് പകരുന്നതില് നിന്നും രക്ഷനേടാന് ഹോമിയോപ്പതി, ആയുർവേദം തുടങ്ങിയ ബദൽ സംവിധാനങ്ങൾ ഉപയോഗിക്കാൻ പ്രധാനമന്ത്രി നരേന്ദ്ര മോദി വീണ്ടും ആഹ്വാനം ചെയ്തു. രാജ്യത്തെ അഭിസംബോധനചെയ്തുകൊണ്ട് സംസാരിച്ച മോദി 'ആയുഷ്' മന്ത്രാലയം (Ayurveda, Yoga & Naturopathy, Unani, Siddha, Sowa Rigpa and Homoeopathy) കഴിഞ്ഞ മാസം നൽകിയ ഉപദേശം പിന്തുടരാനാണ് ജനങ്ങളോട് ആവശ്യപ്പെടുന്നത്. ഇത് രോഗപ്രതിരോധ ശേഷി വർദ്ധിപ്പിക്കുന്നതിനുള്ള വീട്ടുവൈദ്യങ്ങളാണ് ആയുഷ് മന്ത്രാലയം നിര്ദേശിക്കുന്നത്.
മാർച്ച് 6-നാണ് ആയുഷ് മന്ത്രാലയം എല്ലാ സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും ചീഫ് സെക്രട്ടറിമാരെ അഭിസംബോധന ചെയ്തുകൊണ്ട് ഒരു ഡയറ്റ് പ്ലാന് മുന്നോട്ടു വെച്ചത്. തുളസിയിലയും ചതച്ച ഇഞ്ചിയും ഇട്ട് തിളപ്പിച്ച വെള്ളം കുടിക്കുക, സമയബന്ധിതമായ ഉറക്കം, പഴകിയ ഭക്ഷണം കഴിക്കാതിരിക്കുക, യോഗ്യതയുള്ള അധ്യാപകരുടെ മാർഗ്ഗനിർദ്ദേശത്തിൽ യോഗയും പ്രാണായാമവും പരിശീലിക്കുക, തേനില് ഒരു നുള്ള് കുരുമുളകുപൊടി വിതറി കുടിക്കുക, ഹെവി ഫുഡ് ഒഴിവാക്കുക തുടങ്ങിയ നിര്ദേശങ്ങളാണ് പ്രധാനമായും മന്ത്രാലയം മുന്നോട്ടു വക്കുന്നത്.
