നടിയെ അക്രമിച്ച് അശ്ലീല ദൃശ്യങ്ങൾ പകർത്തിയ കേസിൽ തന്നെ കുറ്റവിമുക്തനാക്കണമെന്ന ആവശ്യവുമായി നടൻ ദിലീപ് ഹൈക്കോടതിയിൽ ഹർജി സമർപ്പിച്ചു. നേരത്തെ വിചാരണയിൽ നിന്ന് തന്നെ ഒഴിവാക്കണമെന്ന ദിലീപിന്റെ ഹർജി വിചാരണക്കോടതി തള്ളിയിരുന്നു. ഇതേ തുടർന്നാണ് പുതിയ ഹർജി.
ഇതിനിടെ നടിയെ അക്രമിച്ച കേസിലെ പ്രതികളായ പൾസർ സുനി, സനൽകുമാർ എന്നിവർക്കെതിരെ ദിലീപിന്റെ പരാതിയിൽ പൊലീസ് എടുത്ത കേസിന്റെ വിചാരണയും സമയബന്ധിതമായി തീർക്കാൻ കോടതി തീരുമാനിച്ചിട്ടുണ്ട്. എന്നാൽ നടിയെ അക്രമിച്ച കേസിന്റെയും താൻ ഇരയായ കേസിന്റെയും വിചാരണ ഒരുമിച്ച് നടത്തുന്നത് നീതിയല്ലെന്നും അതിനാൽ കേസിന്റെ വിചാരണയിൽ നിന്ന് തന്നെ ഒഴിവാക്കണമെന്നുമാണ് ദിലീപ് ഹർജിയിൽ പറയുന്നത്.
Also Read
ജയിലിൽ നിന്ന് തന്നെ വിളിച്ച് ഭീഷണിപ്പെടുത്തി എന്നു കാണിച്ച് ദിലീപ് നൽകിയ പരാതിയിലാണ് പൾസർ സുനിയടക്കമുള്ള പ്രതികൾക്കെതിരെ വീണ്ടും കേസെടുത്തത്. ഇതിനിടെ നടിയെ ആക്രമിച്ച ദൃശ്യങ്ങൾ അടങ്ങിയ ടേപ്പ് കോടതിയുടെ അനുമതിയോടെ പൊലീസ് സെൻട്രൽ ഫോറൻസിക്ക് ലാബിലേക്കയച്ചു.
