തിരുവനന്തപുരം: ഭാരത് ജോഡോ യാത്ര നയിക്കുന്ന രാഹുല് ഗാന്ധിയെ മുഖ്യമന്ത്രി പിണറായി വിജയന് കേരളാ അതിര്ത്തിയില് സ്വീകരിക്കണമായിരുന്നെന്ന് ചലച്ചിത്ര സംവിധായകന് അടൂര് ഗോപാലകൃഷ്ണന്. മതേതരത്വത്തിലും സോഷ്യലിസത്തിലും ജനാധിപത്യത്തിലും വിശ്വസിക്കുന്ന രാഷ്ട്രീയപാര്ട്ടികള് ഒരുമിച്ചുനിന്നാലേ ഫാഷിസത്തെ തോല്പ്പിക്കാനാവുകയുളളു എന്നും അടൂര് പറഞ്ഞു. ഭാരത് ജോഡോ യാത്രയ്ക്ക് പിന്തുണ തേടാനും രാഹുല് ഗാന്ധിയുമായി നേരിട്ട് ചര്ച്ച നടത്താന് ക്ഷണിക്കാനുമായി യൂത്ത് കോണ്ഗ്രസ് സംസ്ഥാന അധ്യക്ഷന് ഷാഫി പറമ്പിലിന്റെ നേതൃത്വത്തിലെത്തിയ സംഘത്തോട് സംസാരിക്കുകയായിരുന്നു അദ്ദേഹം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, രാഹുല് ഗാന്ധിയുടെ നേതൃത്വത്തില് ഭാരത് ജോഡോ യാത്ര രാവിലെ ഏഴുമണിയോടെ പാറശാലയിലെത്തി. പഞ്ചവാദ്യത്തിന്റെ അകമ്പടിയോടെ കെ പി സി സി പ്രസിഡന്റ് കെ സുധാകരന്, പ്രതിപക്ഷ നേതാവ് വി ഡി സതീശന്, മുന് മുഖ്യമന്ത്രി ഉമ്മന്ചാണ്ടി, ശശി തരൂര് എംപി, വി എം സുധീരന്, കെ മുരളീധരന് തുടങ്ങിയ നേതാക്കളാണ് കേരളാതിര്ത്തിയില് രാഹുല് ഗാന്ധിയെ സ്വീകരിച്ചത്. കേരളത്തില് 19 ദിവസമാണ് ഭാരത് ജോഡോ യാത്ര നടത്തുന്നത്. ഏഴ് ജില്ലകളിലൂടെ യാത്ര കടന്നുപോകും.