കോഴിക്കോട്: ആവിക്കല്ത്തോട് സമരം ചെയ്യുന്നവരെല്ലാം തീവ്രവാദികളാണ് എന്ന് താന് പറഞ്ഞിട്ടില്ലെന്ന് സിപിഎം സംസ്ഥാന സെക്രട്ടറി എം വി ഗോവിന്ദന്. തീവ്രവാദ വിഭാഗങ്ങള്ക്ക് അവിടെ പങ്കുണ്ടെന്നാണ് പറഞ്ഞതെന്നും തീവ്രവാദികളുണ്ടെങ്കില് ഉണ്ടെന്നുതന്നെ പറയുമെന്നും എം വി ഗോവിന്ദന് പറഞ്ഞു. സി പി എം സംസ്ഥാന സെക്രട്ടറിയായതിനുശേഷം ജന്മനാടായ കണ്ണൂരില് നല്കിയ സ്വീകരണത്തില് സംസാരിക്കുമ്പോഴായിരുന്നു എം വി ഗോവിന്ദന്റെ പരാമര്ശം.
'തീവ്രവാദ വിഭാഗങ്ങള്ക്ക് ആവിക്കല്ത്തോട് സമരത്തില് പങ്കുണ്ടെന്നാണ് പറഞ്ഞത്. അവിടെ സമരത്തില് പങ്കെടുത്തവരെല്ലാം തീവ്രവാദികളാണ് എന്ന് പറഞ്ഞിട്ടില്ല. തീവ്രവാദികളുണ്ടെങ്കില് തീവ്രവാദികള് എന്നുതന്നെ പറയും. വര്ഗീയവാദികളായ ചില ആളുകള് ജനങ്ങളുടെ വികാരത്തെ ഉപയോഗിച്ച് പ്ലാന്റിനെതിരെ അവരെ അണിനിരത്താന് ശ്രമിക്കുകയാണ്'-എന്നാണ് എം വി ഗോവിന്ദന് പറഞ്ഞത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, വിവാദ പരാമര്ശം നടത്തിയ എം വി ഗോവിന്ദന്റെ കോലം കത്തിച്ച് ആവിക്കല്ത്തോട് സമര സമിതി പ്രതിഷേധിച്ചു. മുസ്ലീങ്ങള് പങ്കെടുക്കുന്ന സമരങ്ങളെല്ലാം തീവ്രവാദ ബന്ധമുളളതാണെന്ന് മുദ്രകുത്തുകയാണെന്ന് സമര സമിതി ആരോപിച്ചു.
