തിരുവനന്തപുരം: മാധ്യമപ്രവര്ത്തകന് കെ എം ബഷീറിനെ വാഹനമിടിച്ച് കൊലപ്പെടുത്തിയ കേസില് വിടുതല് ഹര്ജി നല്കി ഒന്നാം പ്രതി ശ്രീറാം വെങ്കിട്ടരാമന്. താന് മദ്യപിച്ച് വാഹനമോടിച്ചതിന് തെളിവില്ലെന്നും വാഹന നിയമപ്രകാരമുളള കേസ് മാത്രമേ നിലനില്ക്കൂ എന്നുമാണ് ശ്രീറാമിന്റെ വാദം. തിരുവനന്തപുരം ഒന്നാം ക്ലാസ് അഡീഷണല് സെഷന്സ് കോടതിയിലാണ് ശ്രീറാം ഹര്ജി സമര്പ്പിച്ചത്.
മദ്യപിച്ച് വാഹനമോടിക്കല്, തെളിവുനശിപ്പിക്കല് എന്നീ കുറ്റങ്ങളാണ് ഒന്നാം പ്രതിയായ തനിക്കുമേല് ചുമത്തിയിരിക്കുന്നത്. ഈ രണ്ട് കുറ്റങ്ങളും നിലനില്ക്കുന്നതല്ല. താന് കുറ്റം ചെയ്തു എന്ന് വ്യക്തമാക്കുന്ന ഒരു തെളിവും കുറ്റപത്രത്തോടൊപ്പം സമര്പ്പിച്ചിട്ടില്ല. അതുകൊണ്ട് തന്നെ ഈ കേസില്നിന്ന് ഒഴിവാക്കണം എന്നാണ് ശ്രീറാം ഹര്ജിയില് പറയുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യ
കഴിഞ്ഞ ദിവസം കേസിലെ രണ്ടാം പ്രതിയായ വഫ ഫിറോസും വിടുതല് ഹര്ജിയുമായി കോടതിയെ സമീപിച്ചിരുന്നു. വാഹനത്തില് ഒപ്പം സഞ്ചരിക്കുക മാത്രമേ താന് ചെയ്തിട്ടുളളു. അതുകൊണ്ട് കേസില് പ്രതിയാക്കുന്നത് നീതികരിക്കാനാവില്ല. തന്നെ കേസില്നിന്ന് ഒഴിവാക്കണം എന്നായിരുന്നു വഫ ഫിറോസിന്റെ ആവശ്യം. വഫയുടെ ഹര്ജി കോടതി ഇന്നാണ് പരിഗണിക്കുക. എന്നാല് ശ്രീറാമിന്റെ വിടുതല് ഹര്ജി ഇന്ന് പരിഗണിക്കുമോ എന്ന കാര്യം വ്യക്തമല്ല.
