ഹെലികോപ്റ്ററില് നിന്ന് പണം വിതറുമെന്ന വ്യാജ വാര്ത്ത നല്കിയ കനഡ ചാനലിനെതിരെ നടപടി. ലോക്ഡൗൺ മൂലമുണ്ടായ ദുരിതം പരിഹരിക്കാനാണ് പണം വിതറുന്നതെന്നായിരുന്നു ചാനൽ വാർത്ത. കനഡ ചാനലായ പബ്ലിക്ക് ടിവിയാണ് വാർത്ത നൽകിയത്. നരേന്ദ്രമോദി ഹെലികോപ്റ്ററിൽ എത്തി പണം വിതറുമെന്ന വാർത്ത ഏപ്രിൽ 15 നാണ് ചാനൽ നൽകിയത്. ഇതിന് പിന്നാലെ വാർത്തയുടെ സ്ക്രീൻ ഷോട്ടുകൾ സോഷ്യൽ മീഡയയിൽ വ്യാപകമായി പ്രചരിച്ചു. വാർത്ത വിശ്വസിച്ച് നിരവധിയാളുകൾ ലോക്ഡൗൺ ലംഘിച്ച് പൊതുസ്ഥലങ്ങളിൽ തടിച്ച് കൂടി. വാർത്ത വ്യാജമാണെന്ന് പ്രസ് ഇൻഫർമേഷൻ ബ്യൂറോ വ്യക്തമാക്കി.
ഇതിന് പിന്നലെയാണ് വ്യാജ വാർത്ത നൽകിയതിൽ പബ്ലിക്ക് ടി വിക്കെതിരെ വാര്ത്താ വിതരണ മന്ത്രാലയം നടപടികൾ ആരംഭിച്ചു. പബ്ലിക്ക് ടിവിക്ക് നോട്ടീസ് അയച്ച മന്ത്രാലയം പ്രക്ഷേപണം നിരോധിക്കാതിരിക്കാനുള്ള കാരണം ബോധിപ്പിക്കാന് ആവശ്യപെട്ടിട്ടുണ്ട്. 10 ദിവസത്തിനുള്ളില് നോട്ടീസിന് മറുപടി നല്കണം.
