പതിനാലാം നിയമസഭയുടെ പതിനെട്ടാം സമ്മേളനത്തിന് തുടക്കമായി. നയപ്രഖ്യാപന പ്രസംഗത്തിനെത്തിയ ഗവര്‍ണര്‍ക്കെതിരെ പ്രതിപക്ഷത്തിന്റെ ശക്തമായ പ്രതിഷേധം. ഒരിക്കലും നിയമസഭ കാണാത്ത തരത്തിലുള്ള, അത്യന്തം നാടകീയമായ പ്രതിഷേധത്തിനാണ് സഭ സാക്ഷ്യം വഹിച്ചത് . ഗവര്‍ണര്‍ പ്രസംഗം നടത്തുമ്പോഴും പ്രതിപക്ഷം 'ഗോ-ബാക്ക്' വിളികളുമായി പ്രതിഷേധിച്ചു.
സംസ്ഥാനനിയമസഭയുടെ ചരിത്രത്തില്‍ ആദ്യമായി ഗവര്‍ണറുടെ നയപ്രഖ്യാപന പ്രസംഗത്തിനെത്തിയ ഗവര്‍ണറെ തിരിച്ചുവിളിക്കണമെന്നവശ്യപ്പെട്ട് പ്രതിപക്ഷം ഗവര്‍ണറെ തടഞ്ഞു. മുഖ്യമന്ത്രിയോടൊപ്പം സഭയിലെത്തിയ ഗവര്‍ണറെ ഡയസിലേക്കുള്ള വഴിയില്‍ 10 മിനുട്ടോളം തടഞ്ഞുനിര്‍ത്തിയ പ്രതിപക്ഷാംഗങ്ങള്‍ ‘സിഎഎ പിന്‍വലിക്കുക’,’ഗവര്‍ണര്‍ തിരികെ പോകുക’ തുടങ്ങിയ മുദ്രാവാക്യങ്ങള്‍ ഉയര്‍ത്തി.തുടര്‍ന്ന് നിയമസഭയിലെ വാച്ച് ആന്‍ഡ്‌ വാഡ്സ് എത്തിയാണ് തടസ്സങ്ങള്‍നീക്കി ഗവര്‍ണറെ ഡയസ്സിലെത്തിച്ചത്.
Also Read
ഗവര്‍ണര്‍ നയപ്രഖ്യപന പ്രസംഗ മാരംഭിച്ചതോടെ സഭയില്‍ നിന്നിറങ്ങിപ്പോയ പ്രതിപക്ഷം പുറത്ത് കുത്തിയിരുന്ന് പ്രധിഷേധിച്ചു.നയപ്രഖ്യാപന പ്രസംഗം പൂര്‍ത്തിയാക്കി പുറത്തെത്തിയ ഗവര്‍ണര്‍ ഇതിലും വലിയ പ്രതിഷേധം താന്‍ കണ്ടിട്ടുണ്ടെന്ന് പ്രതികരിച്ചു.
