സംസ്ഥാനത്ത് 7 പേര്ക്ക് കൂടി കൊവിഡ്-19 സ്ഥിരീകരിച്ചു കോട്ടയം, കൊല്ലം ജില്ലകളില് നിന്നുള്ള 3 പേര്ക്ക് വീതവും കണ്ണൂര് ജില്ലയില് നിന്നുള്ള ഒരാള്ക്കുമാണ് രോഗം സ്ഥിരീകരിച്ചത്. രണ്ട് പേര് ഷാര്ജയില് നിന്നും ഒരാള് മഹാരാഷ്ട്രയില് നിന്നും വന്നതാണ്. 3 പേര്ക്ക് സമ്പര്ക്കം വഴിയാണ് രോഗം ബാധിച്ചത്. കൊല്ലം ജില്ലയിലുള്ള ഒരാള് ആരോഗ്യ പ്രവര്ത്തകയാണ്. കൊല്ലം, കോട്ടയം ജില്ലയിലെ ഓരോരുത്തര് ഷാര്ജയില് നിന്നും കോട്ടയം ജില്ലയിലെ ഒരാള് മഹാരാഷ്ട്രയില് നിന്നും വന്നതാണ്. കണ്ണൂര്, കൊല്ലം, കോട്ടയം ജില്ലകളിലെ ഓരോരുത്തര്ക്ക് സമ്പര്ക്കത്തിലൂടെയാണ് രോഗം ബാധിച്ചത്.
7 പേരാണ് ഇന്ന് രോഗമുക്തി നേടിയത്. കോഴിക്കോട്, കണ്ണൂര്, കാസര്ഗോഡ്ജില്ലകളില് നിന്നുള്ള രണ്ട് പേരുടെ വീതവും വയനാട് ജില്ലയില് നിന്നുള്ള ഒരാളുടേയും പരിശോധനാ ഫലമാണ് നെഗറ്റീവായത്. ഇതോടെ 338 പേരാണ് ഇതുവരെ കൊവിഡില് നിന്നും രോഗമുക്തി നേടിയത്. 116 പേരാണ് നിലവില് ആശുപത്രികളില് ചികിത്സയിലുള്ളത്. 21,004 പേരാണ് നിരീക്ഷണത്തിലുള്ളത്. 20,580 പേര് വീടുകളിലും 464 പേര് ആശുപത്രികളിലും നിരീക്ഷണത്തിലാണ്. 132 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. 22,360 സാമ്പിള് പരിശോധനക്ക് അയച്ചു. 21,457 സാമ്പിളുകളുടെ പരിശോധനാ ഫലം നെഗറ്റിവ് ആണ്.
