തിരുവനന്തപുരം ആർസിസിയിലെത്തുന്ന ക്യാൻസർ രോഗികൾക്ക് കൊവിഡ് പരിശോധന നടത്തുമെന്ന് മുഖ്യമന്ത്രി പിണറായി വിജയൻ. രോഗപ്രതിരോധ ശേഷി കുറഞ്ഞ കാന്സര് രോഗികളെ കൊറോണ വൈറസ് ബാധിച്ചാല് വളരെ പെട്ടെന്ന് ഗുരുതരാവസ്ഥയിലെത്തുന്നുമെന്നും മുഖ്യമന്ത്രി പറഞ്ഞു. ആര്സിസിയിലെ കോവിഡ് ലാബിന് ഐസിഎംആര് അംഗീകാരം ലഭിക്കുന്നതുവരെ തിരുവനന്തപുരം മെഡിക്കല് കോളേജിലെ കോവിഡ് ലാബിലായിരിക്കും ഈ രോഗികള്ക്കുള്ള കൊവിഡ് പരിശോധന നടത്തുക.
കാന്സര് ശസ്ത്രക്രിയ അടിയന്തര സ്വഭാവമുള്ളതിനാല് ഒരു ഘട്ടത്തിനപ്പുറം മാറ്റിവയ്ക്കാൻ കഴിയില്ല. അതിനാല് ആര്സിസിയില് എല്ലാ കാന്സര് ശസ്ത്രക്രിയകളും പുനരാരംഭിച്ചിട്ടുണ്ട്. ശസ്ത്രക്രിയയ്ക്ക് മുമ്പ് രോഗികള്ക്ക് കോവിഡ് പരിശോധന നടത്തും. കാന്സര് ശസ്ത്രക്രിയയിലും ശസ്ത്രക്രിയാനന്തര ഘട്ടത്തിലും ഉണ്ടാകുന്ന ശരീര സ്രവത്തില് ആരോഗ്യ പ്രവര്ത്തകര്ക്ക് സ്പര്ശിക്കേണ്ടതായി വരും. ഇതിലൂടെ ഉണ്ടാകുന്ന രോഗപ്പകര്ച്ചാ സാധ്യത മുന്നില്ക്കണ്ടാണിതെന്നും മുഖ്യമന്ത്രി പറഞ്ഞു