രാജ്യത്ത് 1463 പേർക്ക് കൂടി കൊവിഡ് സ്ഥിരീകരിച്ചു. 24 മണിക്കൂറിനിടെയാണ് ഇത്രയും പേർക്ക് രോഗം സ്ഥിരീകരിച്ചത്. 60 പേർ മരിച്ചു. ഇതോടെ രോഗം ബാധിച്ച് മരിച്ചവരുടെ എണ്ണം 886 ആയി. രോഗബാധിതരുടെ ആകെ എണ്ണം 28380 ആയി. 21132 പേര് ചികിത്സയിലാണെന്ന് കേന്ദ്ര ആരോഗ്യ മന്ത്രാലയം ജോയിന്റ് സെക്രട്ടറി ലാവ് അഗര്വാള് പറഞ്ഞു വ്യക്തമാക്കി. രാജ്യത്ത് ആകെ 6362 പേര്ക്ക് രോഗം ഭേദമായി.
മഹാരാഷ്ട്രയിൽ തന്നെയാണ് ഏറ്റവും കൂടുതൽ രോഗികളുള്ളത്. സംസ്ഥാനത്ത് രോഗികളുടെ എണ്ണം 8000 കവിഞ്ഞു. ഗുജറാത്താണ് തൊട്ടുപിന്നിൽ. ഇവിടെ രോഗികളുടെ എണ്ണം 3300 ആയി. ഡൽഹിയിൽ രോഗികളുടെ എണ്ണം 3000 ത്തോട് അടുക്കുകയാണ്. രാജസ്ഥാനിൽ ഇന്ന് 49 പേർക്ക് കൂടി കൊറോണ സ്ഥിരീകരിച്ചു. ഇതോടെ സംസ്ഥാനത്ത് ആകെ രോഗ ബാധിതരുടെ എണ്ണം 2234 ആയി. അതേസമയം കഴിഞ്ഞ 14 ദിവസത്തിനിടെ 85 ജില്ലകളില് കൊവിഡ് കേസ് പോലും റിപ്പോര്ട്ട് ചെയ്തിട്ടില്ല. 16 ജില്ലകളില് 28 ദിവസത്തിനിടെ കൊവിഡ് ബാധിതന് പോലും ഇല്ലെന്നും ആരോഗ്യമന്ത്രാലയം അറിയിച്ചു.
