നാട്ടിലേക്ക് മടങ്ങാൻ അതിഥി തൊഴിലാളികളെ നിർബന്ധിക്കരുതെന്ന് ചീഫ് സെക്രട്ടറി. കേരളത്തിൽ തുടരാൻ ആഗ്രഹിക്കുന്നവരെ മടക്കി അയക്കരുതെന്നും ചീഫ് സെക്രട്ടറി ടോം ജോസ് പറഞ്ഞു. പൊലീസ് അടക്കമുള്ളവർ ഇക്കാര്യം ശ്രദ്ധിക്കണമെന്ന് ആദ്ദേഹം ആവശ്യപ്പെട്ടു.
p>എറണാകുളത്തും തിരുവനന്തപുരത്തും അതിഥി തൊഴിലാളികളോട് മടങ്ങിപ്പോകാൻ നിർബന്ധിക്കുന്നതായി മുഖ്യമന്ത്രിക്ക് പരാതി ലഭിച്ചതിന്റെ അടിസ്ഥാനത്തിലാണ് ചീഫ് സെക്രട്ടറിയുടെ നിർദ്ദേശം. സ്വദേശത്തേക്ക് മടങ്ങണമെന്ന് നിർബന്ധം പിടിക്കുന്നവരെ മാത്രം തിരിച്ചയച്ചാൽ മതിയെന്നാണ് നിർദ്ദേശം. ഇക്കാര്യങ്ങൾ പൊലീസ് തന്നെ പ്രത്യേകം ശ്രദ്ധിക്കണം. മൂന്നാം ഘട്ട ലോക് ഡൗൺ കഴിയുന്നതോടെ കേരളത്തിലെ നിർമാണ മേഖല സജീവമാകും. ഈ സമയം തൊഴിലാളികളെ ആവശ്യമുണ്ടാകും. നിലവിൽ അതിഥി തൊഴിലാളികൾക്ക് എല്ലാ വിധ സൗകര്യവും സംസ്ഥാന സർക്കാർ ഏർപ്പെടുത്തിയിട്ടുണ്ടെന്നാണ് അധികൃതർ പറയുന്നത്. കഴിഞ്ഞ വെള്ളിയാഴ്ച മുതലാണ് കേരളത്തിലെ അതിഥി തൊഴിലാളികളെ നാട്ടിലേക്ക് തിരിച്ചയക്കുന്നത് ആരംഭിച്ചത്. ഇതിനകം 6 ട്രെയിനുകളാണ് കേരളത്തിൽ നിന്ന് പുറപ്പെട്ടത്.നാട്ടിലേക്ക് മടങ്ങാൻ അതിഥി തൊഴിലാളികളെ നിർബന്ധിക്കരുതെന്ന് ചീഫ് സെക്രട്ടറി