പാലക്കാട്: മറ്റു സംസ്ഥാനങ്ങളില്നിന്ന് കേരളത്തിലേക്ക് വരുന്ന മലയാളികള്ക്ക് പാസ് നല്കുന്നത് പുനരാരംഭിച്ചു. ചെക്ക്പോസ്റ്റുകളില് തിരക്ക് വര്ധിച്ചതിനെ തുടര്ന്ന് നാട്ടിലേക്ക് മടങ്ങാനിരുന്നവര്ക്ക് പാസ് നിര്ത്തിയത് വന്തിരിച്ചടിയായിരുന്നു. എന്നാൽ, റെഡ് സോണിൽ നിന്നുവരുന്നവർക്ക് പാസ് അനുവദിക്കില്ല എന്നതാണ് പുതിയ തീരുമാനം. 'പാസ് വിതരണം പൂര്ണ്ണമായും നിര്ത്തിയതല്ല, ഒരു ക്രമീകരണം ലഭിക്കുന്നതിന് വേണ്ടിയാണ് താത്കാലികമായി നിര്ത്തിവെച്ചതെന്നും വീണ്ടും പുനരാരംഭിക്കുമെന്നും' കഴിഞ്ഞ ദിവസം മുഖ്യമന്ത്രി വ്യക്തമാക്കിയിരുന്നു.
അതേസമയം, നേരത്തെയുള്ള ഉത്തരവ് പ്രകാരം വിവിധ സംസ്ഥാനങ്ങളിലെ റെഡ്സോൺ മേഖലകളിൽ നിന്ന് കേരളത്തിലെത്തുന്നവർ അവരവരുടെ ജില്ലകളിൽ 14 ദിവസം സർക്കാർ ഒരുക്കുന്ന ക്വാറന്റീനിൽ കഴിയേണ്ടിവരും. കേരള സർക്കാരിന്റെ പാസില്ലാതെ അതിർത്തികളിലെ 6 എൻട്രി പോയിന്റുകളിൽ എത്തുന്നവർ എവിടെനിന്ന് വരുന്നവരായാലും സർക്കാർ ഒരുക്കുന്ന ക്വാറന്റീനിൽ പോകേണ്ടിവരും.
