ഡൽഹിയിൽ 534 പേർക്ക് കൂടി കൊവിഡ് സ്ഥിരീകരിച്ചു. ആകെ രോഗബാധിതരുടെ എണ്ണം 11088 ആയി 442 പേർ രോഗമുക്തി നേടി ആശുപത്രിവിട്ടു. പത്തുപേർ രോഗം ബാധിച്ച് മരിച്ചു. ഇതോടെ ഡൽഹിയിലെ മരണസംഖ്യ 176 ആയി. 5720 പേരാണ് ചികിത്സയിലുള്ളത്. 5192 പേരാണ് രോഗമുക്തി നേടിയത്. സെൻട്രൽ ഡൽഹിയിലാണ് ഏറ്റവും കൂടതൽ കൊവിഡ് രോഗികളുള്ളത്. സൗത്ത് ഈസ്റ്റ് ഡൽഹിയിലും വെസ്റ്റ് ഡൽഹിയിലും സ്ഥിതിഗതികൾ ഗുരുതരമായി തുടരുകയാണ്. നോർത്ത് ഈസ്റ്റ് ഡൽഹിയിലാമ് ഏറ്റവും കുറവ് രോഗികൾ ഉള്ളത്.
രാജസ്ഥാനിൽ 107 പേർക്ക് കൂടി കൊവിഡ് സ്ഥിരീകരിച്ചു. ആകെ രോഗികളുടെ എണ്ണം ആറായിരത്തോളമായി. 36 പേരാണ് ഇന്ന് രോഗമുക്തി നേടിയത്. സംസ്ഥാനത്ത് ഇതുവരെ രോഗം ബാധിച്ച് 143 പേർ മരിച്ചു. 2436 പേരാണ് ചികിത്സയിലുള്ളത്. ആകെ 3373 പേരാണ് രോഗമുക്ത നേടിയത്. മധ്യപ്രദേശിൽ 78 പേർക്കാണ് ഇന്ന് വൈറസ് ബാധയുണ്ടായത്. സംസ്ഥാനത്ത് രോഗികളുടെ എണ്ണം 5500 ന് അടുത്തെത്തി. കർണാടകയിൽ ഇന്ന് 63 ഉം, ബീഹാറിൽ 60 പേർക്ക് രോഗം സ്ഥിരീകരിച്ചു
