മദ്യകടകൾ ശനിയാഴ്ച തുറക്കും. വെർച്വൽ ക്യു ടോക്കൺ ആപ്പായ ബെവ് ക്യുവിന്റെ ട്രയൽ റൺ ആരംഭിച്ചു. മൊബൈൽ ആപ്പിന്റെ സാങ്കേതിക പ്രശ്നങ്ങൾ കണ്ടെത്തുന്നതിനും പരിഹരിക്കുന്നതിനുമാണ് ട്രയൽ റൺ നടത്തുന്നത്. ട്രയൽ റണ്ണിന് ശേഷം ശനിയാഴ് മദ്യകടകൾ തുറക്കാനാകുമെന്നാണഅ ബിവറേജസ് കോർപ്പറേഷന്റെയും എക്സൈസ് വകുപ്പിന്റയും പ്രതീക്ഷ. ബെവ്കോ കൺസ്യൂമർ ഫെഡ് ഔട്ടലറ്റുകളുടെ ലിസ്റ്റിംഗ് ആപ്പിൽ പൂർത്തിയായിട്ടുണ്ട്. മദ്യം പാർസലായി വിൽക്കാൻ തയ്യാറുള്ള ബാറുകളെയും ആപ്പിൽ ഉൾപ്പെടുത്തും. തയ്യാറുള്ള ബാറുകാരോട് ഇതിനായി സമ്മതപത്രം നൽകാൻ എക്സൈസ് വകുപ്പ് നിർദ്ദേശിച്ചിട്ടുണ്ട്. ബാറുകളിലെ പാർസർ സൗകര്യം നിശ്ചിത കാലത്തേക്കായിരിക്കും.
ബെവ്കൊ ഔട്ടലറ്റുകളുടെ നിരക്കിലാകും ബാറുകളിൽ നിന്ന് മദ്യം വിൽക്കുക. ഉപഭോക്താവിന് പോസ്റ്റൽ കോഡ് വഴിയാണ് കടകൾ തെരഞ്ഞെടുക്കാനാവുക. കൺടെയ്ൻമെന്റ് സോണിലും ഹോട്ട് സ്പോട്ടിലും മദ്യകടകൾ തുറക്കാൻ അനുവദിക്കില്ല. തുടക്കത്തിൽ ബെവ് ക്യൂ ആപ്പിന് പ്രതിദിനം 7 ലക്ഷത്തോളം ഡൗൺലോഡ് ഉണ്ടാകുമെന്നാണ് കരുതുന്നത്. വൻതോതിലുള്ള ഡൗൺലോഡിങ്ങ് ചില സാങ്കേതിക പ്രശ്നങ്ങൾക്ക് ഇടയാക്കുമെന്നാണ് കരുതുന്നത്. രാവിലെ 9 മുതൽ വൈകീട്ട് 5 മണിവരെ മാത്രമാണ് മദ്യകടകൾക്ക് പ്രവർത്തനാനുമതി നൽകുക
