രാജീവ് ഗാന്ധിയുടെ 29ാം രക്തസാക്ഷിത്വ ദിനത്തിൽ പിതാവിനെ അനുസ്മരിച്ച് രാഹുൽ ഗാന്ധി. യഥാര്ഥ രാജ്യസ്നേഹിയുടെ മകനായതില് താന് അഭിമാനിക്കുന്നുവെന്ന് രാഹുല് ഗാന്ധി പറഞ്ഞു. 'ഒരു പ്രധാനമന്ത്രിയെന്ന നിലയിൽ രാജീവ് ഈ രാജ്യത്തെ പുരോഗതിയിലേക്ക് നയിച്ചു. രാജ്യത്തെ ശാക്തീകരിക്കാൻ അദ്ദേഹം ജനതയോടൊപ്പം പ്രധാന്യമുള്ള വലിയ ചുവടുവെപ്പുകൾ നടത്തി. ഇന്ന്, അദ്ദേഹത്തിന്റെ ചരമ വാര്ഷികദിനത്തില്, സ്നേഹത്തോടെയും ആദരവോടെയും അഭിവാദ്യം ചെയ്യുന്നു.' -രാഹുല് ഗാന്ധി ട്വീറ്റ് ചെയ്തു.
ഇന്ത്യയുടെ ആറാമത്തെ പ്രധാനമന്ത്രിയായിരുന്ന രാജീവ് ഗാന്ധിയെ 1991 മേയ് 21-ന്, വരാനിരിക്കുന്ന ലോക്സഭ തിരഞ്ഞെടുപ്പ് പ്രചാരണത്തിനിടെ, എൽ.ടി.ടി.ഇ അംഗമായ തനു എന്നു അറിയപ്പെടുന്ന തേന്മൊഴി രാജരത്നം നടത്തിയ ചാവേര് ആക്രമണത്തിലാണ് കൊലപ്പെടുത്തുന്നത്. പതിനാലു പേർ ഈ ആക്രമണത്തിൽ കൊല്ലപ്പട്ടു. തമിഴീഴ വിടുതലൈപ്പുലികൾ എന്ന സംഘടനയായിരുന്നു രാജീവ് ഗാന്ധിയുടെ കൊലപാതകത്തിനു പിന്നിൽ. ശ്രീലങ്കയുടെ ആഭ്യന്തരയുദ്ധം അവസാനിപ്പിക്കാൻ എത്തിയ ഇന്ത്യൻ സമാധാനസേന അവിടെ നടത്തിയ അക്രമത്തിൽ പ്രതിഷേധിച്ചായിരുന്നു അവർ രാജീവിനെ കൊല്ലാൻ തീരുമാനിച്ചത് എന്നായിരുന്നു രാജീവ് ഗാന്ധി വധത്തെക്കുറിച്ചന്വേഷിച്ച് രണ്ടു കമ്മീഷനുകളും കണ്ടെത്തിയത്.