യുഎഇയിൽ എസ്എസ്എൽസി പരീക്ഷ നടത്താൻ അനുമതി. യുഎഇ സർക്കാറാണ് പരീക്ഷക്ക് അനുമതി നൽകിയത്. കൊവിഡ് പശ്ചാത്തലത്തിൽ യുഎഇയിലെ സുരക്ഷാ മാനദണ്ഡങ്ങൾ പാലിച്ചായിരിക്കും പരീക്ഷ. ഇതിന് ഇന്ത്യൻ എംബസി സഹായം ഒരുക്കും. വിദ്യാഭ്യാസ വകുപ്പിലെ ഉദ്യോഗസ്ഥർ പരീക്ഷ നടത്തിപ്പിനായി യുഎഇയിലുണ്ട്. ഇവർ ഇതിനുള്ള തയ്യാറെടുപ്പെടുകൾ നടത്തും. കേരളത്തിൽ പ്രഖ്യാപിച്ച ടൈടേബിളിൽ തന്നെ യുഎഇയിൽ പരീക്ഷ നടക്കുക.
ഈ മാസം 26 മുതലാണ് മാറ്റി വെച്ച പരീക്ഷകൾ ആരംഭിക്കുക. എസ്എസ്എൽസി പരീക്ഷ നടത്താൻ സംസ്ഥാന സർക്കാറിന് കേന്ദ്ര സർക്കാർ അനുമതി നൽകിയിരുന്നു. ആരോഗ്യ വകുപ്പിന്റെ മാനദണ്ഡങ്ങൾ പാലിച്ചായിരിക്കും പരീക്ഷ നടത്തുക. തെർമൽ സ്കാനിംഗിന് പരീക്ഷാ കേന്ദ്രത്തിൽ എത്തുന്നവരെ വിധേയമാക്കും. പരീക്ഷ കേന്ദ്രത്തിൽ എത്തുന്ന കുട്ടികളും അധ്യാപകരും ജീവനക്കാരും നിർബന്ധമായും മാസ്ക് ധരിക്കണം. സാനിറ്റൈസർ ക്ലാസുകളിൽ വിതരണം ചെയ്യും. സാമൂഹിക അകലം പാലിച്ചായിരിക്കും ക്ലാസുകളിൽ കുട്ടുകളെ ഇരുത്തുക. 13 ലക്ഷത്തോളം കുട്ടികളാണ് കേരളത്തിൽ പരീക്ഷ എഴുതുന്നത്.