ചീഫ് സെക്രട്ടറിയായി ഡോക്ടര് വിശ്വാസ് മേത്തയെ നിയമിച്ചു. ടോം ജോസ് വിരമിക്കുന്ന ഒഴിവിലേക്കാണ് നിയമനം. നിലവിൽ ആഭ്യന്തര അഡീഷണൽ സെക്രട്ടറിയാണ് വിശ്വാസ് മേത്ത. ഈ മാസം 31 നാണ് ടോം ജോസ് വിരമിക്കുക. 9 മാസമാണ് വിശ്വാസ് മേത്തക്ക് ചീഫ് സെക്രട്ടറി സ്ഥാനത്ത് കാലാവധിയുണ്ടാവുക. 86 ബാച്ച് കേരള കേഡർ ഐഎഎസ് ഉദ്യാഗസ്ഥനാണ് രാജസ്താൻ സ്വദേശിയായ വിശ്വാസ് മേത്ത.
വിശ്വാസ്മേത്തക്ക് പുതിയ ചുമത നൽകിയ സാഹചര്യത്തിൽ ഉദ്യോഗസ്ഥ തലത്തിൽ സർക്കാർ അഴിച്ചുപണി നടത്തി. ആഭ്യന്തര അഡീഷണൽ ചീഫ് സെക്രട്ടറിയായി ടികെ ജോസിനെ നിയമിച്ചു. റവന്യൂ സെക്രട്ടറിയായ വി വേണുവിനെ ആസൂത്രണ ബോർഡ് സെക്രട്ടറിയാക്കി. ജയതിലകായിരിക്കും പുതിയ റവന്യു സെക്രട്ടറി. കാർഷിക ഉത്പാദന കമ്മീഷണറായി ഇഷിതാ റോയിയെ നിയമിച്ചു. തിരുവനന്തപുരം ജില്ലാ കളക്ടർ കെ ഗോപാലകൃഷ്ണനെ മലപ്പുറം ജില്ലാ കളക്ടറായി നിയമിച്ചു. നവജോത് സിംഗ് ഘോസയായിരിക്കും പുതിയ തിരുവനന്തപുരം ജില്ലാ കളക്ടർ. ആലപ്പുഴ ജില്ല കളക്ടർ എം അഞ്ജനയെ കോട്ടയത്തേക്ക് മാറ്റി.