ചെന്നൈ - മംഗളൂരു സൂപ്പര്‍ഫാസ്റ്റ് എക്സ്പ്രസ് ട്രെയിനിലും, മലബാര്‍ എക്സ്പ്രസ് ട്രെയിനിലും വന്‍ കവര്‍ച്ച. 50 ലക്ഷം രൂപയുടെ സ്വർണമാണ് രണ്ട് ട്രെയിനിൽ നിന്നുമായി മോഷ്ടിക്കപ്പെട്ടത്. കോഴിക്കോടിനും - മാഹിക്കും ഇടയിൽ വെച്ചാണ് കവര്‍ച്ചകള്‍ നടന്നതെന്നാണ് നിഗമനം. ഒരേ ദിശയിലേക്കു സഞ്ചരിക്കുന്ന ട്രെയിനുകളാണ് രണ്ടും.
ചെന്നൈ സ്വദേശി പൊന്നിമാരനില്‍ നിന്നും 25 ലക്ഷം രൂപയുടെ സ്വര്‍ണവും, കാഞ്ഞങ്ങാട് സ്വദേശിയില്‍ നിന്നും 15 പവന്‍ സ്വര്‍ണവുമാണ് മോഷണം പോയത്. പരാതിയെ തുടര്‍ന്ന് അന്വേഷണം ആരംഭിച്ചു. ഇരു കവര്‍ച്ചകള്‍ക്കു പിന്നിലും ഒരേ സംഘമാണോയെന്നും പോലീസ് സംശയിക്കുന്നുണ്ട്.
