ഡല്‍ഹി: അടച്ചുപൂട്ടല്‍ മൂലം വരുമാനം നിലച്ച ഡല്‍ഹി സര്‍ക്കാര്‍ നിത്യ ചെലവിനും ജീവനക്കാര്‍ക്ക് ശമ്പളം നല്‍കാനുമായി കേന്ദ്ര സര്‍ക്കാറിനോട് 5000 കോടി രൂപ വായ്പ ചോദിച്ചു. എല്ലാ വരുമാനവും മുട്ടിയ സാഹചര്യത്തിലാണ് ഈ നിലയില്‍ കേന്ദ്രത്തോട് വായ്പ ചോദിക്കുന്നത് എന്ന് ഡല്‍ഹി ഉപ മുഖ്യമന്ത്രി മനീഷ് സിസോദിയ പറഞ്ഞു.
സംസ്ഥാനത്തിന്റെ ഒരുമാസത്തെ ചിലവ് 3500 കോടി രൂപയാണ്. കഴിഞ്ഞ രണ്ടുമാസം കൊണ്ട് 1700 ല്‍ പരം കോടി രൂപ മാത്രമാണ് പിരിഞ്ഞു കിട്ടിയത് - ഉപമുഖ്യമന്ത്രി പറഞ്ഞു. രാജ്യത്തെ മാറ്റ് സംസ്ഥാനങ്ങള്‍ക്ക് നല്‍കിയ ദുരന്ത നിവാരണ ഫണ്ട് ഡല്‍ഹിക്ക് നല്‍കിയിട്ടില്ല. ഇതെല്ലാം കാണിച്ച് കേന്ദ്ര ധനകാര്യ മന്ത്രിക്ക് കത്തയച്ചതായും അദ്ദേഹം പറഞ്ഞു.
