കണ്ണൂരിൽ ആരോഗ്യ പ്രവർത്തക ആത്മഹത്യക്ക് ശ്രമിച്ച സംഭവത്തിൽ സഹപ്രവർത്തൻ ഉൾപ്പെടെ നാല് പേർ അറസ്റ്റിൽ. ജൂനിയർ ഹെൽത്ത് ഇൻസ്പെക്ടർ കെ ടി മനോജ്, വില്ലേജ് ഓഫീസർ മുരളി , അജയ് കുമാർ, അനിൽ കുമാർ എന്നിവരാണ് അറസ്റ്റിലായത്. ആത്മഹത്യാ കുറിപ്പിന്റെ അടിസ്ഥാനത്തിൽ ന്യൂ മാഹി പോലീസാണ് പ്രതികളെ അറസ്റ്റ് ചെയത്. ക്വാറന്റൈൻ നിർദ്ദേശങ്ങൾ ലംഘിച്ചെന്നാണ് ഇവർ വ്യാജ പ്രചരണം നടത്തിയത്. ആരോഗ്യ പ്രവർത്തകയുടെ അച്ഛനാണ് പൊലീസിൽ പരാതി നൽകിയത്.
സ്ത്രീത്വത്തെ അപമാനിക്കുന്ന തരത്തിൽ വ്യാജ പ്രചരണം നടത്തിയെന്നാണ് ഇവർക്കെതിരെ ചുമത്തിയിരിക്കുന്ന കുറ്റം. ഇന്നലെ രാത്രിയാണ് പൊലീസ് കേസ് റജിസ്റ്റർ ചെയ്തത്. ന്യൂ മാഹിയിലെ ആരോഗ്യ പ്രവർത്തക രക്തസമ്മർദ്ദത്തിനുള്ള മരുന്ന് അമിതമായി കഴിച്ച് ആത്മഹത്യക്ക് ശ്രമിച്ചത്. ഇവർ കണ്ണൂർ പരിയാരം മെഡിക്കൽ കോളേജിൽ ചികത്സയിലാണ്.
