ഡൽഹിയിൽ എംയിസിൽ ആരോഗ്യ പ്രവർത്തകരുടെ സമരം പിൻവലിച്ചു. കഴിഞ്ഞ ഒരാഴ്ചയായി സമരം തുടരുകയായിരുന്നു. പിപിഇ കിറ്റ് ധരിച്ചുള്ള കൊവിഡ് ഡ്യൂട്ടി സമയം കുറക്കാമെന്ന ഉറപ്പിന്മേലാണ് സമരം അവസാനിപ്പിച്ചത്. കൊവിഡ് ഡ്യൂട്ടി എടുക്കുന്ന ദിവസങ്ങൾക്ക് ആനുപാതികമായി അവധി അനുവദിക്കും. സമരക്കാർ എയിംസ് ഡയറക്ടറുടെ മുറിക്ക് മുന്നിൽ കുത്തിയിരുന്നു പ്രതിഷേധിച്ചിരുന്നു. കൊവിഡ് ഡ്യൂട്ടിയിലുള്ള ആരോഗ്യ പ്രവർത്തകരുടെ സുരക്ഷ ഉറപ്പാക്കണമെന്നാവശ്യപ്പെട്ടായിരുന്നു സമരം. മതിയായ സുരക്ഷാ ക്രമീകരണങ്ങൾ ഇല്ലാതെ ജോലിചെയ്യേണ്ടി വരുന്നതിലും, കൂടുതൽ ആരോഗ്യ പ്രവർത്തകർ രോഗബാധിതർ ആകുന്ന സാഹചര്യത്തിലുമാണ് സമരം ആരംഭിച്ചത്. നേരത്തെ എയിംസിലെ മലയാളി ആരോഗ്യ പ്രവർത്തകന് കൊവിഡ് സ്ഥിരീകരിച്ചിരുന്നു.
Contact the author
Web Desk
