കോഴിക്കോട്: കോവിഡ് 19 സുരക്ഷാ മുൻകരുതലോടെ വിവിധ ദേശീയ സാമ്പിൾ സർവേകൾ നാഷനൽ സ്റ്റാറ്റിക്കൽ ഓഫീസ് (എൻ.എസ്.ഒ) ആരംഭിച്ചു. 78-ാമത് സാമൂഹിക സാമ്പത്തിക സർവേ, തൊഴിൽ സേനാ സർവേ, അർബൻ ഫ്രെയിം സർവേ എന്നിവയാണ് കണ്ടെയ്മെൻറ് സോണുകൾ ഒഴികെയുള്ള വിവിധ സാമ്പിൾ യൂനിറ്റുകളിൽ നടത്തുന്നത്.
തൃശൂർ മുതൽ കാസർകോട് വരെയുള്ള ഏഴ് ജില്ലകളിലെ സർവേ കോഴിക്കോട് എൻ.എസ്.ഒയാണ് നടത്തുന്നത്. ജില്ലാ കളക്ടർമാർമാരുമായും പ്രാദേശിക ഭരണകൂടങ്ങളുമായും ഇക്കാര്യം ചർച്ച ചെയ്തതായി റീജ്യനൽ ഡയറക്ടർ അറിയിച്ചു. സർവേ നടത്തുന്ന ഉദ്യോഗസ്ഥരോട് കോവിഡ് സുരക്ഷാ മുൻകരുതലെടുക്കാൻ നിർദേശം നൽകിയിട്ടുണ്ട്. സർവേയുമായി ജനങ്ങൾ പൂർണ്ണതോതിൽ സഹകരിക്കണമെന്ന് റീജ്യനൽ ഡയറക്ടർ അറിയിച്ചു.
