സമാധാനപരമായി പ്രതിഷേധിക്കാൻ എല്ലാവർക്കും അവകാശമുണ്ടെന്ന് ഹൈക്കോടതി. 2017 ഒക്ടോബർ 17-ന് യുഡിഎഫ് ആഹ്വാനം ചെയ്ത ഹർത്താൽ നിയമവിരുദ്ധമായി പ്രഖ്യാപിക്കണമെന്ന് ആവശ്യപ്പെട്ടുള്ള ഹർജിയിലാണ് ഹൈക്കോടതിയുടെ വിധി. ഹർത്താൽ നിയമവിരുദ്ധമല്ലെന്നും ഹൈക്കോടതി നിരീക്ഷിച്ചു.
ഹർത്താലിൽ ഉണ്ടായ നഷ്ടം രമേശ് ചെന്നിത്തലയിൽ നിന്ന് ഈടാക്കണമെന്ന ആവശ്യം കോടതി തള്ളി. മാടപ്പള്ളി പഞ്ചായത്തംഗം സാജൻ പവിയാനിയോസാണ് യുഡിഎഫ് ഹർത്താൽ നിയമവിരുദ്ധമായി പ്രഖ്യാപിക്കണമെന്നും നഷ്ടം പ്രതിപക്ഷ നേതാവ് രമേശ് ചെന്നിത്തലയിൽ നിന്ന് ഈടാക്കണമെന്നും ആവശ്യപ്പെട്ട് കോടതിയെ സമീപിച്ചത്.
