കണ്ണൂർ പയ്യാവൂർ പുഴയിൽ കാണാതായ മൂന്ന് യുവാക്കുളുടെ മൃതദേഹങ്ങള് കണ്ടെത്തി. മനീഷ്, സനൂപ്, അരുൺ എന്നിവരുടെ മൃതദേഹമാണ് കിട്ടിയത്. ഇന്നലെ വൈകുന്നേരം 5 മണിയോടെ കൂട്ടുപുഴയിൽ 4 യുവാക്കൾ കുളിക്കാനിറങ്ങിയ യുവാക്കളെയാണ് കാണാതായത്. ഒഴുക്കിൽപ്പെട്ടയാളെ രക്ഷിക്കാൻ ശ്രമിക്കുന്നതിനിടെയാണ് മറ്റ് രണ്ട് പേരെ കണാതായത്. ഫയർഫോഴ്സും നാട്ടുകാരും ഇന്നലെ രാത്രി വരെ തെരച്ചിൽ നടത്തിയെങ്കിലും ഫലമുണ്ടായില്ല.
ഇന്ന് രാവിലെ 7 മണിക്കാണ് തെരച്ചിൽ പുനരാരംഭിച്ചത്. അപകടം നടന്ന സ്ഥലത്തിന് 100 മീറ്റർ അകലെ വെച്ച് ആദ്യ മൃതദേഹം ലഭിച്ചു. ശ്രീകണ്ഠാപുരം പൊലീസ് മൃതദേഹങ്ങൾ ഇൻക്വസ്റ്റ് നടത്തി. മൃതദേഹങ്ങൾ പോസ്റ്റ്മോർട്ടത്തിനായി പരിയാരം മെഡിക്കൽ കോളേജിലേക്ക് മാറ്റി
