സാമ്പത്തിക പ്രതിസന്ധി മറികടക്കാനാണ് ഈ ഘട്ടത്തിൽ സർക്കാർ ശ്രമിക്കേണ്ടതെന്ന് കോണ്‍ഗ്രസ് അധ്യക്ഷ സോണിയ ഗാന്ധി. കൊവിഡ് വൈറസ് ബാധയുടെ പശ്ചാത്തലത്തിൽ ദരിദ്രർക്കുള്ള സൗജന്യ റേഷൻ വിതരണം മൂന്ന് മാസം കൂടി നീട്ടണമെന്നും ആവശ്യപ്പെട്ടുകൊണ്ട് അവര്‍ പ്രധാനമന്ത്രിക്ക് കത്തയച്ചു.
കുടിയേറ്റ തൊഴിലാളികള്‍ ഉള്‍പ്പെടെ മുന്‍ഗണനാ വിഭാഗത്തിലെ കുടുംബത്തിലെ ഓരോ അംഗത്തിനും അഞ്ച് കിലോ ധാന്യം നല്‍കണമെന്നാണ് സോണിയ ഗാന്ധി ഏറ്റവും പ്രധാനമായി ആവശ്യപ്പെട്ടത്. ഈ മാസം ഇത് രണ്ടാമത്തെ കത്താണ് സോണിയാ ഗാന്ധി പ്രധാനമന്ത്രിക്ക് അയക്കുന്നത്. നേരത്തേ ഇന്ധന വില വർധനവിൽ പ്രതിഷേധിച്ച് കൊണ്ടായിരുന്നു സോണിയ കത്തയച്ചത്.
കോവിഡ് പ്രതിസന്ധി മറികടക്കാൻ ഇനിയും കഠിന പ്രയത്നം വേണമെന്ന് മുൻ പ്രധാനമന്ത്രി മൻമോഹൻ സിങും പറഞ്ഞു. കോൺഗ്രസ്‌ പ്രവർത്തക സമിതി യോഗത്തിലായിരുന്നു അദ്ദേഹത്തിന്റെ പ്രതികരണം.
