കൊറോണ വൈറസ് ബാധയെ തുടര്‍ന്ന് ചൈനയിൽ മരിച്ചവരുടെ എണ്ണം 1483 ആയി. ചൈനീസ്‌ പ്രവിശ്യയായ ഹുബെയിൽ 242 പേരാണ് മരിച്ചത്. വ്യാഴാഴ്ച മാത്രം ചൈനയില്‍ 116 പേര്‍ മരിച്ചു. 4823 പേര്‍ക്ക് പുതിയതായി രോഗം സ്ഥിരീകരിച്ചു. 65,000 ആളുകള്‍ ചികിത്സയിലുണ്ട്. ഹുബെയിൽ മരണസംഖ്യ ഉയർന്നത്‌ ആശങ്കപടർത്തിയിട്ടുണ്ട്.
കോറോണ വൈറസ് ബാധയിൽ ചൈനക്ക് പുറത്ത് 3 പേരാണ് മരിച്ചത്. കഴിഞ്ഞ ദിവസം വൈറസ് ബാധയെ തുടര്‍ന്ന് 80-കാരി ജപ്പാനില്‍ മരിച്ചിരുന്നു. കൂടാതെ ഹോങ്കോങ്, ഫിലിപ്പീന്‍സ് എന്നീ രാജ്യങ്ങളിലാണ് മറ്റ് രണ്ട് പേർ മരിച്ചത്.
Also Read
കഴിഞ്ഞ ദിവസം കൊൽക്കത്തയില്‍ 2 പേർക്ക് കൊറോണ വൈറസ് ബാധ സ്ഥിരീകരിച്ചു. ഹിമാദ്രി ബർമൻ, നാഗേന്ദ്ര സിംഗ് എന്നിവരിലാണ് അസുഖം കണ്ടെത്തിയത്. കഴിഞ്ഞ ദിവസമാണ് ഇവരെ ആശുപത്രിയിൽ പ്രവേശിപ്പിച്ചത്. ഇരുവരും ബാങ്കോക്കിൽ നിന്നാണ് എത്തിയത്. വിമാനത്താവളത്തിൽ നിന്നും ഇവരെ നേരിട്ട് ആശുപത്രിയിൽ പ്രവേശിപ്പിക്കുകയായിരുന്നു. ഇന്ത്യയിൽ കേരളത്തിന് പുറത്ത് ആദ്യമായാണ് വൈറസ് ബാധ സ്ഥിരീകരിക്കുന്നത്.
