ജമ്മു കശ്മീരിലെ നൗഗാം സെക്ടറിലെ നിയന്ത്രണ രേഖയില് നുഴഞ്ഞു കയറിയ രണ്ട് ഭീകരരെ ഇന്ത്യന് സൈന്യം വധിച്ചു. ഇതിനോടകം 250-300 തീവ്രവാദികള് അതിര്ത്തി കടന്നുള്ള ലോഞ്ച്പാഡുകളില് ഇന്ത്യയിലേക്ക് നുഴഞ്ഞുകയറാന് കാത്തിരിക്കുകയാണെന്നും കരസേന മാധ്യമങ്ങളെ അറിയിച്ചു.
വടക്കന് കശ്മീരിലെ നൗഗാം സെക്ടറായ കുപ്വാരയിലെ നിയന്ത്രണ രേഖയില് സൈനികര് ഇന്ന് അതിരാവിലെ സംശയാസ്പദമായ ചില നീക്കങ്ങള് കണ്ടെത്തിയിരുന്നു. തുടര്ന്നുണ്ടായ അക്രമണത്തിലാണ് 2 പേരെ വധിച്ചതെന്ന് പ്രതിരോധ വക്താവ് കേണല് രാജേഷ് കാലിയ പറഞ്ഞു.
250-300 ഓളം തീവ്രവാദികള് അതിര്ത്തിയിലുട നീളമുള്ള ലോഞ്ച്പാഡുകള് പൂര്ണ്ണമായും കൈവശപ്പെടുത്തിയിരിക്കുകയാണ് എന്നാണ് വിവരങ്ങള് സൂചിപ്പിക്കുന്നതെന്ന് മേജര് ജനറല് വീരേന്ദ്ര വാട്സ് വാര്ത്ത സമ്മേളനത്തില് മാധ്യമങ്ങളോട് പറഞ്ഞു.
