ഈ മാസം 27 ന് നിയമസഭായോഗം ചേരും. ധനബിൽ പാസാക്കാനാണ് ഒരു ദിവസത്തെ നിയമസഭായോഗം ചേരുക. ഇന്ന് ചേർന്ന മന്ത്രിസഭായോഗമാണ് ഇത് സംബന്ധിച്ച് തീരുമാനം എടുത്തത്. ഇതിനുള്ള ശുപാർശ ഗവർണർക്ക് നൽകും. തിരുവനന്തപുരം കള്ളക്കടത്ത് വൻ രാഷ്ട്രീയ വിവാദമായ സാഹചര്യത്തിൽ പ്രതിപക്ഷം സഭയിയിൽ പ്രതിഷേധം ഉയർത്തും. സ്പീക്കർ പി ശ്രീമാമകൃഷണനെതിരെയും സർക്കാറിനെതിരെയും അവിശ്വാസ പ്രമേയം കൊണ്ടുവരുമെന്ന് പ്രതിപക്ഷം നേരത്തെ പ്രഖ്യാപിച്ചിരുന്നു. കൊവിഡ് പ്രതിരോധ പ്രവർത്തനങ്ങൾ ശക്തമാക്കാനും മന്ത്രിസഭായോഗം തീരുമാനിച്ചു. ആഗസ്റ്റ് അവസനാത്തോടെ രോഗികളുടെ എണ്ണം കൂടാൻ സാധ്യതയുണ്ടെന്ന് മന്ത്രിസഭായോഗം വിലയിരുത്തി. ഒരു ജില്ലയിൽ 5000 രോഗികൾ വരെയുണ്ടാകാൻ സാധ്യതയുണ്ടെന്നാണ് സർക്കാറിന്റെ കണക്കുകൂട്ടൽ.
ഈ സാഹചര്യത്തിൽ പഞ്ചായത്തുകൾ തോറും കൊവിഡ് ചികിത്സാ കേന്ദ്രങ്ങൾ ആരംഭിക്കാൻ മന്ത്രിസഭായോഗം തീരുമാനിച്ച്. തീരദേശ മേഖലയിലെ പ്രതിരോധ പ്രവർത്തനങ്ങൾ ഊർജിതമാക്കാനും തീരുമാനിച്ചു. ജില്ലകളുടെ ചുമതലയുള്ള മന്ത്രിമാർ പഞ്ചായത്തുകളിലെ ഫസ്റ്റ്ലൈൻ ആശുപത്രികളുടെ സൗകര്യം ഉറപ്പാക്കണമെന്ന് മന്ത്രിസഭായോഗം നിർദ്ദേശിച്ചു.
തിരുവനന്തപുരം കള്ളക്കടത്ത് കേസുമായി ബന്ധപ്പെട്ട വിഷയങ്ങളോ എം ശിവശങ്കരനെതിരായ അച്ചടക്ക നടപടികളോ മന്ത്രിസഭാ യോഗം ചർച്ച ചെയ്തില്ല.