രാജസ്ഥാനില്‍ സച്ചിന്‍ പൈലറ്റ് ഇപ്പോഴും കോണ്‍ഗ്രസിന്റെ ഉന്നത നേതൃത്വവുമായുള്ള ബന്ധം പുലര്‍ത്തുന്നുണ്ടെന്ന് കോണ്‍ഗ്രസ് വൃത്തങ്ങള്‍ അറിയിച്ചു. തനിക്കും സംസ്ഥാനത്തെ മറ്റ് 18 എംഎല്‍എകള്‍ക്കുമെതിരെ ആരംഭിച്ച അയോഗ്യത നടപടികളെ ചോദ്യം ചെയ്യ്തു കൊണ്ട് രാജസ്ഥാന്‍ ഹൈക്കോടതിയെ സമീപിച്ചിട്ടും എ.ഐ.സി.സി ജനറല്‍ സെക്രട്ടറി പ്രിയങ്ക ഗാന്ധിയുമായി പൈലറ്റ് ബന്ധപ്പെടുന്നതായി വൃത്തങ്ങള്‍ പറഞ്ഞു.
പൈലറ്റ് പ്രിയങ്കയെ ഫോണില്‍ വിളിച്ചിട്ടുണ്ടെങ്കിലും വിശദാംശങ്ങളൊന്നും ഇതുവരെ പുറത്തുവിട്ടിട്ടില്ല. പ്രിയങ്ക ഉള്‍പ്പെടെയുള്ള ഉന്നത നേതൃത്വം പൈലറ്റിനെ കാണാന്‍ തയ്യാറാണെന്നും പാര്‍ട്ടി വൃത്തങ്ങള്‍ അറിയിച്ചു.
എന്നാല്‍ പൈലറ്റിന്റെ നേതൃത്വത്തിലുള്ള വിമതര്‍ക്കെതിരെ അശോക് ഗെലോട്ട് സര്‍ക്കാര്‍ 'പ്ലാന്‍ - ബി' തയ്യാറാക്കി മുന്നോട്ടു പോകുന്നതിനിടയിലാണ് പെലറ്റിനെ അനുനയിപ്പിക്കാനുള്ള ശ്രമം ഒരു വശത്ത് നടക്കുന്നുണ്ട്. വിമത എം.എല്‍.എമാരെ തുറന്നുകാട്ടുന്നതിനായി വിശ്വാസ വോട്ടെടുപ്പിനായി നിയമസഭ വിളിച്ചുകൂട്ടാനുള്ള സാധ്യത കോണ്‍ഗ്രസ് നേതാക്കള്‍ തള്ളിക്കളയുന്നില്ല. പൈലറ്റിന്റെ ഹരജിയിലെ വാദം തിങ്കളാഴ്ച പുനരാരംഭിക്കും, അടുത്ത നടപടി കോടതിയില്‍ എന്ത് സംഭവിക്കും എന്നതിനെ ആശ്രയിച്ചിരിക്കുമെന്ന് പാര്‍ട്ടി വൃത്തങ്ങള്‍ പറഞ്ഞു.
എന്നാല്‍ സച്ചിനുമായി ഇനി ഒരു ഉടമ്പടിയ്ക്ക് സാധ്യതയില്ലെന്നാണ് രാജസ്ഥാന്‍ ബിജെപി വിശ്വസിക്കുന്നുത്. താന്‍ കുങ്കുമ പാര്‍ട്ടിയില്‍ ചേരില്ലെന്ന പൈലറ്റിന്റെ പ്രസ്താവനയാണ് ഇതിനു കാരണം.
