ഭരണഘടനാ വ്യവസ്ഥകള് പാലിച്ച് നിയമസഭാ സമ്മേളനം വിളിക്കാമെന്ന ഗവര്ണറുടെ ഉറപ്പിനെത്തുടര്ന്ന് അശോക് ഗെഹ്ലോട്ടിന്റെ നേതൃത്വത്തിലുളള കോണ്ഗ്രസ് എംഎല്എമാര് രാജ്ഭവനില് നടത്തിയിരുന്ന അഞ്ച് മണിക്കൂര് ധര്ണ അവസാനിപ്പിച്ചു. നിയമസഭാ സമ്മേളനം വിളിക്കണമെന്ന മന്ത്രിസഭയുടെ ശുപാര്ശ നടപ്പാക്കണമെന്ന് ആവശ്യപ്പെട്ടായിരുന്നു രാജ്ഭവനു മുന്നിലെ കോണ്ഗ്രസിന്റെ പ്രതിഷേധം.
എന്നാല്, പ്രഖ്യാപനം നടത്തുന്നതിന് മുമ്പായി ഗവര്ണര് സംസ്ഥാന സര്ക്കാരിനോട് ചില കാര്യങ്ങള് വ്യക്തമാക്കാന് ആവശ്യപ്പെട്ടെന്ന് കോണ്ഗ്രസ് നേതാവ് രണ്ദീപ് സുര്ജേവാല രാജ്ഭവന് പുറത്ത് മാധ്യമങ്ങളോട് പറഞ്ഞു. ഭരണഘടനയുടെ ആര്ട്ടിക്കിള് 174 അനുസരിക്കുമെന്ന് ഗവര്ണര് കല്രാജ് മിശ്ര ഉറപ്പ് നല്കിയതായും അദ്ദേഹം പറഞ്ഞു. സംസ്ഥാന നിയമസഭാ സമ്മേളനം വിളിക്കുന്നതില് ഗവര്ണറുടെ പങ്കാണ് ഇതില് പറയുന്നത്.