യുഎസില്‍ നിന്നും ആറ് ദീര്‍ഘദൂര പോസൈഡോണ്‍-8 ഐ വിമാനങ്ങള്‍ വാങ്ങുന്നതിനുളള നടപടികള്‍ ഇന്ത്യ ഔദ്യോഗികമായി ആരംഭിച്ചു. ചൈനയുമായുള്ള സൈനിക ഏറ്റുമുട്ടലിനിടെ ആറ് പ്രിഡേറ്റര്‍-ബി സായുധ ഡ്രോണുകള്‍ വാങ്ങനുള്ള ഇന്ത്യന്‍ പദ്ധതിയും പുരോഗമിക്കുന്നുണ്ട്.
റഡാറുകളും ഇലക്ട്രോ-ഒപ്റ്റിക് സെന്‍സറുകളും കൊണ്ട് സജ്ജീകരിച്ച നാവിക പി -8 ഐ പട്രോളിംഗ് വിമാനങ്ങള്‍, ഹാര്‍പൂണ്‍ ബ്ലോക്ക് -2 മിസൈലുകളും, എംകെ -54 ഭാരം കുറഞ്ഞ ടോര്‍പ്പിഡോകളുമാണ് ഇന്ത്യന്‍ മഹാസമുദ്രത്തിലെയും കിഴക്കന്‍ ലഡാക്കിലെയും നിരീക്ഷണ ദൗത്യങ്ങള്‍ക്കായി നിലവില്‍ ഇന്ത്യ വ്യാപകമായി ഉപയോഗിക്കുന്നത്.
2009 ജനുവരിയിലെ 2.1 ബില്യണ്‍ ഡോളര്‍ കരാര്‍ പ്രകാരം നാവികസേന എട്ട് ബോയിംഗ് പി -8 ഐ വിമാനങ്ങള്‍ ഇന്ത്യ കരസ്ഥമാക്കിയിരുന്നു, അടുത്ത നാല് വിമാനങ്ങള്‍ 2016 ജൂലൈയില്‍ ഒപ്പുവച്ച 1.1 ബില്യണ്‍ ഡോളര്‍ കരാര്‍ പ്രകാരം ഈ ഡിസംബര്‍ മുതല്‍ വിതരണം ചെയ്ത് തുടങ്ങും.
