രമേശ് ചെന്നിത്തല പ്രതിപക്ഷ നേതാവിന്റെ കസേലയിൽ ഇരുന്ന് കാര്യങ്ങൾ നന്നായി ചെയ്യുന്നുണ്ടന്ന് പികെ കുഞ്ഞാലിക്കുട്ടി എംപി. ചെന്നിത്തല പ്രതിപക്ഷ നേതാവിന്റെ റോളിൽ തിളങ്ങി നിൽക്കുകയാണെന്നും അദ്ദേഹം പറഞ്ഞു. കള്ളക്കടത്ത് ആരോപണം ഈ രീതിയിൽ മുഖ്യമന്ത്രിയുടെ ഓഫീസ് വരെ എത്തിയ സംഭവം മുൻപ് ഉണ്ടായിട്ടില്ലെന്നും അദ്ദേഹം പറഞ്ഞു. മുഖ്യമന്ത്രിയുടെ ഓഫീസിനെതിരെ ഇത്തരത്തിലുള്ള ആരോപണവും മുമ്പ് ഉണ്ടായിട്ടില്ല സസ്ഥാനം തന്നെ സ്തംഭിച്ച് നിൽകുന്ന സ്ഥിതിയാണ് നിലവിൽ ഉള്ളതെന്നും കുഞ്ഞാലിക്കുട്ടി പറഞ്ഞു.
തനിക്കെതിരെ പച്ചവർഗീയത പറയുന്ന കോടിയേരി ബാലകൃഷ്ണൻ സിപിഎം സംസ്ഥാന സെക്രട്ടറിയുടെ സ്ഥാനത്തിരിക്കാൻ യോഗ്യനല്ലെന്ന് രമേശ് ചെന്നിത്തല അഭിപ്രായപ്പെട്ടു. തന്റെ ഡിഎൻഎ എന്തെന്ന് കോടിയേരി പറയാതെ തന്ന ജനങ്ങൾക്ക് അറിയാമെന്നും അദ്ദഹേം തിരുവനന്തപുരത്ത് വാർത്താ സമ്മേളനത്തിൽ പറഞ്ഞു. തന്റെ ഡിഎൻഎ പറ്റി കേരളത്തിലെ ജനങ്ങൾക്ക് സംശയം ഇല്ല. സ്വർണ കള്ളക്കടത്തിൽ ഏറ്റവും കൂടുതൽ സന്തോഷിക്കുന്ന വ്യക്തി കോടിയേരി ബാലകൃഷ്നാണ്. ഈ സംഭവത്തെ കുറിച്ച് ആദ്യം മുതൽ കോടിയേരിക്ക് അറിയാമെന്നും രമേശ് ചെന്നിത്തല പറഞ്ഞു.