നടൻ അഭിഷേക് ബച്ചൻ കൊവിഡ് മുക്തനായി. അഭിഷേക് രോഗമുക്തി നേടിയ വിവരം അമിതാബ് ബച്ചനാണ് സോഷ്യൽ മീഡയയിലൂടെ അറിയിച്ചത്. അഭിഷേക് ആശുപത്രിയിൽ നിന്ന് ഡിസചാർജ് ആയെന്നും അമിതാബ് അറിയിച്ചു. രോഗമുക്തിക്കായി പ്രാർത്ഥിച്ചവർക്ക് അമിതാബ് നന്ദി അറിയിച്ചു. അഭിഷേക് മുംബൈ നാനാവതി ആശുപത്രിയിൽ ചികിത്സയിലായിരുന്നു. ജൂലൈ 11 നാണ് അമിതാബിനും അഭിഷേകിനും കൊവിഡ് സ്ഥിരീകരിച്ചത്.
അമിതാബ് ബച്ചൻ കഴിഞ്ഞയാഴ്ച കൊവിഡ് മുക്തനായിരുന്നു. അമിതാബ് ബച്ചന്റെ പരിശോധനാ ഫലം നെഗറ്റീവ് ആയെന്ന് അഭിഷേക് ബച്ചനാണ് അറിയിച്ചത്. ട്വീറ്ററീലൂടെയാണ് പിതാവിന്റെ രോഗമുക്തി വിവരം അഭിഷേക് അറിയിച്ചത്.
ജൂലൈ 13 ന് അഭിഷേകിന്റെ ഭാര്യയും നടിയുമായ ഐശ്വര്യ റായിക്കും മകള്‍ ആരാധ്യ ബച്ചനും കൊവിഡ് സ്ഥിരീകരിച്ചു. രോഗ ലക്ഷണങ്ങൾ ഇല്ലാത്തതിനാൽ ഐശ്വര്യയും ആരാധ്യയും വീട്ടിൽ തന്നെ തുടർന്നു.17 ന് ഇവരെയും നാനാവതിയിൽ പ്രവേശിപ്പിച്ചു. ഇരുവരും നേരത്തെ രോഗമുക്തരായിരുന്നു.
ബച്ചന്‍ കുടുംബത്തില്‍ ജയാബച്ചന്‍റെത് മാത്രമാണ് കൊവിഡ് ഫലം നെഗറ്റീവ് ആയിരിക്കുന്നത്. ലോക്ക് ഡൌണ്‍ കാലയളവില്‍ ഉടനീളം മുബൈ കോര്‍പ്പറഷനിലുള്ള തന്റെ വസതിയില്‍ കഴിഞ്ഞ അമിതാഭ് ബച്ചന്‍ കൊവിഡ് പ്രതിരോധ പ്രവര്‍ത്തനങ്ങളിലും ഇത് സംബന്ധിച്ച ബോധവല്‍ക്കരണ പരിപാടികളിലും സജീവമായി സഹകരിച്ചിരുന്നു. കഴിഞ്ഞ വാരത്തില്‍ അദ്ദേഹത്തിന്‍റെ വസതിയില്‍ ഒരു ചാനല്‍ ഷൂട്ട്‌ നടത്തിയിരുന്നു.
അമിതാഭ്ബച്ചനും അഭിഷേക് ബച്ചനും തങ്ങളുടെ രോഗ വിവരം ട്വിറ്ററിലൂടെയാണ് ലോകത്തെ അറിയിച്ചത്. താനുമായി ബന്ധപ്പെട്ടവര്‍ എല്ലാവരും നിരീക്ഷണത്തില്‍ പോകണമെന്നും കൊവിഡ് ടെസ്റ്റിനു വിധേയമാകണമെന്നും ഇക്കാര്യത്തില്‍ വീഴ്ച കാണിക്കരുതെന്നും അമിതാഭ് ബച്ചന്‍ അഭ്യര്‍ത്ഥിച്ചിരുന്നു.
