കർണാടക ആരോഗ്യമന്ത്രി ബി ശ്രീരാമലുവിന് കൊവിഡ്. രോഗബാധിതനായ വിവരം മന്ത്രി ട്വിറ്ററിലൂടെയാണ് അറിയിച്ചത്. രോഗ ലക്ഷണം കണ്ടെത്തിയതിനെ തുടർന്ന് നടത്തിയ പരിശോധനയിലാണ് അസുഖം സ്ഥിരീകരിച്ചത്. ശ്രീരാമലുവിനെ ബാംഗ്ലൂരിലെ ബൗറിങ്ങ് ആശുപത്രിയിൽ പ്രവേശിപ്പിച്ചു. കൊവിഡ് പ്രതിരോധ പ്രവർത്തനങ്ങളുമായി ബന്ധപ്പെട്ട് സംസ്ഥാനത്തുടനീളം മന്ത്രി യാത്ര ചെയ്തിരുന്നു. 30 ഓളം ജില്ലകളികളിൽ യാത്ര ചെയ്തതായി ശ്രീരാമലു വ്യക്തമാക്കി. താനുമായി നേരിട്ട് ബന്ധപ്പെട്ടവരോട് മുൻകരുതലായി നിരീക്ഷണത്തിൽ പോകാനും അദ്ദേഹം ആവശ്യപ്പെട്ടിട്ടുണ്ട്. മുഖ്യമന്ത്രിയുടെ സർക്കാർ വകുപ്പുകളുടെയും നേതൃത്വത്തിൽ കൊവിഡിനെതിരായ പോരാട്ടം തുടരുകയാണെന്നും ശ്രീരാമലു ട്വിറ്ററിൽ കുറിച്ചു.
കൊവിഡ് ബാധിച്ചതിനെ തുടർന്ന് കർണാടക മുഖ്യമന്ത്രി ബിഎസ് യെദ്യൂരപ്പയും ബാംഗ്ലൂരിൽ ചികിത്സയിലാണ്. കഴിഞ്ഞ ഞായറാഴ്ചയാണ് യെദ്യൂരപ്പക്ക് കൊവിഡ് സ്ഥിരീകരിച്ചത്. യെദ്യൂരപ്പയുടെ ആരോഗ്യ നില തൃപ്തികരമാണ്. മുഖ്യമന്ത്രിയുമായി ബന്ധപ്പെട്ടവരോട് ക്വാറന്റീനിൽ പോകാൻ ആവശ്യപ്പെട്ടിട്ടുണ്ട്. യെദ്യൂരിപ്പയുടെ പുത്രി ബി വൈ പത്മാവതിക്കും കൊവിഡ് ബാധിച്ചിട്ടുണ്ട്.