മുൻ രാഷ്ട്രപതി പ്രണബ് മുഖർജിയുടെ ആരോഗ്യസ്ഥിതിയില് മാറ്റമില്ലെന്ന് ആർമി റിസർച്ച് ആന്ഡ് റഫറൽ ആശുപത്രിയുടെ മെഡിക്കല് ബുള്ളറ്റിന്. ഇപ്പോഴും വെന്റിലേറ്റർ സംവിധാനം തുടരുകയാണ്. തലച്ചോറിൽ രക്തം കട്ട പിടിച്ചതിനെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. അത് കഴിഞ്ഞ ദിവസം ശസ്ത്രക്രിയയിലൂടെ വിജയകരമായി നീക്കിയിരുന്നു. തുടർന്ന് വെന്റിലേറ്ററിലേക്ക് മാറ്റിയെങ്കിലും ആരോഗ്യനില വശളാവുകയായിരുന്നു.
ശസ്ത്രക്രിയക്ക് മുന്നോടിയായി നടത്തിയ പരിശോധനയിൽ പ്രണബ് മുഖർജിക്ക് കോവിഡും സ്ഥിരീകരിച്ചിരുന്നു. ബുധനാഴ്ചയും അദ്ദേഹത്തിന്റെ നിലയിൽ പുരോഗതിയുണ്ടാവാത്തത് ഡോക്ടർമാരെയും ബന്ധുക്കളെയും ആശങ്കപ്പെടുത്തുന്നത്. വെന്റിലേറ്ററിന്റെ സഹായത്തോടെയാണ് ആരോഗ്യം നിലനിര്ത്തുന്നതെന്ന് മെഡിക്കല് ബുള്ളറ്റിന് വ്യക്തമാക്കുന്നു.
തനിക്ക് കോവിഡ് സ്ഥിരീകരിച്ചതായി തിങ്കളാഴ്ച രാവിലെ അദ്ദേഹം ട്വീറ്റ് ചെയ്തിരുന്നു. കഴിഞ്ഞയാഴ്ച താനുമായി ഇടപഴകിയവര് സ്വയം സമ്പര്ക്കവിലക്കില് പോകണമെപോകണമെന്നും കോവിഡ് പരിശോധന നടത്തണമെന്നും 84-കാരനായ അദ്ദേഹം ട്വീറ്റിലൂടെ ആവശ്യപ്പെട്ടിരുന്നു.