മലപ്പുറം കാളികാവ് പൊലീസ് സ്റ്റേഷനിൽ 12 പൊലീസ് ഉദ്യോഗസ്ഥർക്ക് കൊവിഡ്. സർക്കിൾ ഇൻസ്പെക്ടൻ ഉൾപ്പെടെയുള്ളവർക്കാണ് കൊവിഡ് സ്ഥിരീകരിച്ചത്. ആന്റിജൻ പരിശോധനയിൽ രണ്ട് പൊലീസുകാർക്ക് കൊവിഡ് സ്ഥിരീകരിച്ചിരുന്നു. തുടർന്ന് എല്ലാ ഉദ്യോസ്ഥരെയും പരിശോധനക്ക് വിധേയരാക്കുകയായിരുന്നു. കൊവിഡ് സ്ഥിരീകരിച്ചവരുടെ ആരോഗ്യ നില തൃപ്തികരമാണ്. ആർക്കും രോഗ ലക്ഷണങ്ങൾ ഇല്ല. നേരത്തെ കൊവിഡ് സ്ഥിരീകരിച്ചവരുടെ രണ്ടാം പരിശോധനാ ഫലം നെഗറ്റീവായി.
കാളികാവ് സ്റ്റേഷൻ താൽകാലികമായി അടച്ചു. കെട്ടിടവും പരിസരവും അണുവിമുക്തമാക്കും. 3 ദിവത്തിന് ശേഷം സ്റ്റേഷൻ വീണ്ടു തുറക്കും. പകരം ജീവനക്കാരെ നിയമിച്ച് സ്റ്റേഷൻ പ്രവർത്തനം മുന്നോട്ട് കൊണ്ട് പോകും. ജനങ്ങളുടെ പരാതി ഓൺലൈൻ ആയി സ്വീകരിക്കുമെന്നും അധികൃതർ വ്യക്തമാക്കി.
