2000 ത്തിന്റെ നോട്ടുകൾ ഘട്ടംഘട്ടമായി പിൻവലിക്കുന്ന് റിസർവ് ബാങ്ക് ഓഫ് ഇന്ത്യ. 1019-20 വാർഷിക റിപ്പോർട്ടിലാണ് ഇത് സംബന്ധിച്ച് സൂചനകളുള്ളത്. 2016 ലെ നോട്ടു നിരോധന സമയത്ത് പുറത്തിറക്കിയ 2000 രൂപയുടെ നോട്ട് 2019-2020 കാലയളവില്‍ അച്ചടിച്ചിട്ടില്ലെന്ന് വാര്‍ഷിക റിപ്പോര്‍ട്ടില്‍ പറയുന്നു.
പ്രചാരത്തിലുള്ള 2,000 രൂപ കറന്‍സി നോട്ടുകളുടെ എണ്ണം 2018 മാര്‍ച്ച് അവസാനം 33,632 ലക്ഷം എണ്ണത്തില്‍ നിന്ന് 2020 മാര്‍ച്ച് അവസാനത്തോടെ 27,398 ലക്ഷം എണ്ണമായി കുറഞ്ഞു. രണ്ടായിരം രൂപയുടെ നോട്ടുകള്‍ 2020 മാര്‍ച്ച് അവസാനത്തോടെ മൊത്തം നോട്ടുകളുടെ 2.4 ശതമാനമായി, ഇത് 2018 മാര്‍ച്ച് അവസാനത്തില്‍ 3.3 ശതമാനമായിരുന്നു. മൂല്യത്തിന്റെ അടിസ്ഥാനത്തിലും 2018 മാര്‍ച്ച് അവസാനത്തിലെ 37.3 ശതമാനത്തില്‍ നിന്ന് 2020 മാര്‍ച്ച് അവസാനത്തോടെ 22.6 ശതമാനമായി കുറഞ്ഞു. 2017 ല്‍ ഇത് 50 ശതമാനമായിരുന്നു, കാരണം ആ വര്‍ഷം സമ്പദ്വ്യവസ്ഥയെ പുനര്‍ നിര്‍മിക്കുക എന്നതായിരുന്നു പ്രധാന ലക്ഷ്യം.
എന്നാല്‍ 2018 മുതലുള്ള മൂന്ന് വര്‍ഷങ്ങളില്‍ എണ്ണത്തിന്റെയും, മൂല്യത്തിന്റെയും അടിസ്ഥാനത്തില്‍ 500, 200 രൂപ നോട്ടുകളുടെ പ്രചാരണം ഗണ്യമായി വര്‍ദ്ധിച്ചിട്ടിണ്ടെന്നും കണക്കുകള്‍ സൂചിപ്പിക്കുന്നു.
