ഇന്ന് ഉത്രാടം. പഴമയുടെ പെരുമ ഇല്ലെങ്കിലും കൊവിഡ് ജാഗ്രതയ്ക്കിടയിലും ഓണം ആഘോഷിക്കാന് ഒരുങ്ങുകയാണ് മലയാളികള്. മാവേലിയും ഓണപ്പൊട്ടനും പുലികളിയും ആഘോഷങ്ങളും ഇല്ലാത്ത ഈ ഓണത്തിന് മാസ്കും സാനിറ്റൈസറുമൊക്കെയാണ് താരങ്ങള്. പഴമകള് പടികയറാതെ പുതുശീലങ്ങള് അടിച്ചേല്പ്പിച്ച ഇത്തരമൊരു പൊന്നോണം മുന്പ് മലയാളി കണ്ടിട്ടില്ല.
കോവിഡ് ആശങ്കയുള്ളതിനാൽ വ്യാപാര സ്ഥാപനങ്ങളിൽ തിരക്ക് കുറവാണ്. കടകളിലേക്ക് കുട്ടികളെയും പ്രായമായവരെയും കൊണ്ടുപോകരുതെന്ന് സര്ക്കാര് നിര്ദേശിച്ചിട്ടുണ്ട്. ഓണത്തിന് കച്ചവടം പൊടിപൊടിക്കാറുള്ള പൂ വിപണിയും ഇത്തവണ കാര്യമായ ചലനമുണ്ടാക്കിയില്ല. കൊവിഡ് കാലമായതിനാല് പരമാവധി ബന്ധുക്കളുടെയും സുഹൃത്തുക്കളുടെയും ഒത്തുകൂടലുകള് ഒഴിവാക്കണമെന്നാണ് മുന്നറിയിപ്പ്.
മാവേലിയെ വരവേല്ക്കുന്നതിനേക്കാള് കൊറോണ വീടുകളിലേക്ക് കടന്നു വരാതിരിക്കാനുള്ള തയ്യാറെടുപ്പാണ് ഓരോ വീടുകളിലും നടക്കുന്നത്. അത് അങ്ങിനെത്തന്നെയാവട്ടെ... വിട്ടുവിട്ടിരുന്ന് നമുക്ക് കൂടുതല് അടുക്കാം...
