പ്രധാനമന്ത്രി നരേന്ദ്രമോദി തന്റെ പംക്തിയായ 'മന് കീ ബാത്തില് നടത്തിയ പ്രസ്താവനയെ പരിഹസിച്ചു കൊണ്ടാണ് കോണ്ഗ്രസ് നേതാവ് രാഹുല് ഗാന്ധി പരീക്ഷാ വിഷയം എടുത്തിട്ടത്. രാജ്യത്തെ കളിപ്പാട്ടങ്ങളുടെ കേന്ദ്രമാക്കുമെന്നാണ് പ്രധാനമന്ത്രി 'മന് കീ ബാത്തില്' പറഞ്ഞത്. എന്നാല് രാജ്യത്തെ വിദ്യാര്ഥികള് ജെ ഇ ഇ - എന് ഇ ഇ ടി പരീക്ഷാ നടത്തിപ്പുമായി ബന്ധപ്പെട്ട ആശങ്കയിലാണെന്നും അത് പരിഹരിക്കാന് അടിയന്തര നടപടികള് സ്വീകരിക്കണമെന്നും രാഹുല് ഗാന്ധി ആവശ്യപ്പെട്ടു.
ലക്ഷക്കാണക്കിനു വിദ്യാര്ഥികള് പരീക്ഷയെ സംബന്ധിച്ച് ആശങ്കയിലാണ്. ഇക്കാര്യത്തില് വിദ്യാര്ഥികളെ കേള്ക്കുകയും സമവയത്തിലെത്തുകയും വേണം. അല്ലാതെ കൊവിഡ് പ്രതിരോധത്തിലുണ്ടായ പരാജയം മറച്ചുവെയ്ക്കാന് എന്തെങ്കിലും പറയരുത്. കളിപ്പാട്ടമല്ല കുട്ടികളുടെ പരീക്ഷയാണ് പ്രധാനമെന്നും രാഹുല് തന്റെ ട്വീറ്റില് പറഞ്ഞു.
