രാജ്യത്ത് കൊറോണ വൈറസിൽ നിന്നും രോഗമുക്തി നേടിയവരുടെ നിരക്കില് റെക്കോർഡ് ഉയർച്ച. ഒരു ദിവസം 70,000ത്തിലധികം രോഗികളെ ഡിസ്ചാർജ് ചെയ്തതായി കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു.
കൊറോണ രോഗമുക്തി നിരക്ക് ഇപ്പോൾ 77.23 ശതമാനമാണെന്നും ഇതുവരെയുള്ളതിൽ വെച്ച് ഏറ്റവും ഉയർന്ന ഏകദിന നിരക്കാണ് സെപ്റ്റംബർ അഞ്ചിന് രേഖപ്പെടുത്തിയതെന്നും മന്ത്രാലയം വ്യക്തമാക്കി. മന്ത്രാലയത്തിന്റെ ഗ്രാഫ് അനുസരിച്ച് സെപ്റ്റംബർ 3 ന് 68,584, സെപ്റ്റംബർ 1 ന് 65,081, ഓഗസ്റ്റ് 24 ന് 57,469 എന്നിങ്ങനെയാണ് റിക്കവറി റേറ്റ്. ആരോഗ്യ-കുടുംബക്ഷേമ മന്ത്രാലയത്തിന്റെ കണക്കുകൾ പ്രകാരം ഒരു ദിവസം 86,432 പുതിയ കൊറോണ വൈറസ് കേസുകൾ ഇന്ത്യയിൽ രേഖപ്പെടുത്തിയിരുന്നു. ആ പശ്ചാത്തലത്തില് ഇത്തരത്തിലൊരു മാറ്റം പ്രതീക്ഷ നല്കുന്നുണ്ട്.
8,46,395 ആക്റ്റീവ് കേസുകളാണ് ഇപ്പോൾ രാജ്യത്തുള്ളതെന്നും, 22.6 ലക്ഷത്തിലധികം പേർ രോഗമുക്തരായെന്നും ആരോഗ്യ മന്ത്രാലയം അറിയിച്ചു.