ഡല്ഹി: ആന്ധ്രാപ്രദേശ് സംസ്ഥാനത്ത് ജനങ്ങളില് 20 ശതമാനത്തോളം പേര്ക്കും കൊറോണ വൈറസിനെതിരായ ആന്റിബോഡികള് വികസിച്ചതായി സെറോ സര്വ്വേ റിപ്പോര്ട്ട്. ഇതില് നഗര-ഗ്രാമ വ്യത്യാസമുണ്ട്. നഗരങ്ങളില് 22 ശത്മാനത്തിലധികം പേര്ക്കും ഗ്രാമങ്ങളില് 19-5 ശതമാനം പേര്ക്കും രോഗ പ്രതിരോധ ശേഷി കൈവന്നതായാണ് പഠനം പറയുന്നത്.
സര്വ്വേയില് 13 ജില്ലകളില് നിന്നായി 5,000 ത്തിലധികം ആളുകളാണ് പങ്കെടുത്തത്. സംസ്ഥാനത്തെ ആകെ ജനസംഖ്യയില് 19.9 ശതമാനം സ്ത്രീകളും 19.5 ശതമാനം പുരുഷന്മാരും പ്രതിരോധ ശേഷി കൈവരിച്ചതായി ആന്ധ്രാപ്രദേശ് സംസ്ഥാന ആരോഗ്യവകുപ്പ് കമ്മീഷണര് കട്ടമണി ഭാസ്കറിനെ ഉദ്ധരിച്ച് മാധ്യമങ്ങള് റിപ്പോര്ട്ട് ചെയ്തു.
ആകെ സ്ഥിരീകരിച്ച കേസുകളില് 90 ശതമാനം പേര്ക്കും രോഗലക്ഷണങ്ങളില്ലെന്നും സര്വേ വ്യക്തമാക്കുന്നു. 40 വയസ്സിനു മുകളിലുള്ള ആരോഗ്യപ്രശ്നങ്ങളുള്ളവരില് 20 ശതമാനത്തിലധികം പേര് പ്രതിരോധ ശേഷി നേടിയിട്ടുണ്ട് എന്ന് രണ്ടുഘട്ടങ്ങളിലായി നടന്ന സര്വ്വേ ഫലം വ്യക്തമാക്കുന്നു.