മന്ത്രി കെടി ജലീലിനെ എൻഫോഴ്സ്മെന്റ് ഡയറക്ടറേറ്റ് ചോദ്യം ചെയ്തു. ഇന്ന് രാവിലെ മുതൽ ഉച്ചവരെയാണ് ചോദ്യം ചെയ്തത്. ചോദ്യം ചെയ്തെന്നത് എൻഫോഴ്സ്മെന്റ് ഉദ്യോഗസ്ഥർ സ്ഥരീകരിച്ചു. ഇന്നലെ രാത്രി എറണാകുളത്തെത്തിയ ജലീൽ സ്വകാര്യ വാഹനത്തിലാണ് ഇന്ന് രാവിലെ 9 ന് എറണാകുളത്തെ എൻഫോഴ്സ്മെന്റ് ഓഫീസലെത്തിയത്.
ജലീലും യുഎഇ കോൺസുലേറ്റും തമ്മിലെ ബന്ധവും സ്വപ്നാ സുരേഷുമായി ബന്ധപ്പെട്ട കാര്യങ്ങളാണ് ഇഡി മന്ത്രിയിൽ നിന്ന് ചോദിച്ചറിഞ്ഞത്. നയതന്ത്ര ബാഗിൽ ഖുറാൻ എത്തിയത് സംബന്ധിച്ചും മന്ത്രിയിൽ നിന്ന് വിശദീകരണം തേടി. യുഎഇ കോൺസുലേറ്റിൽ നിന്ന് പ്രോട്ടോക്കോൾ ലംഘിച്ച് ഉപഹാരങ്ങൾ സ്വീകരിച്ചതിനെ കുറിച്ചും ഇഡി വിശദാംശങ്ങൾ തേടി. കൂടുതൽ വിവരങ്ങൾ തേടാൻ ജലീലിനെ വീണ്ടും ഇഡി വിളിപ്പിച്ചേക്കും.
