ആലുവ മുപ്പത്തടത്ത് കോൺഗ്രസ് പ്രവർത്തകർ ഏറ്റുമുട്ടി. പുനസംഘടനയെ ചൊല്ലിയുള്ള തർക്കമാണ് ഏറ്റുമുട്ടലിലും അക്രമത്തിലും കലശിച്ചത്. ബ്ലോക്ക് മണ്ഡലം കമ്മിറ്റികൾ പുനസംഘടിപ്പിച്ചതിൽ തഴഞ്ഞെന്ന് ആരോപിച്ച് ഐ ഗ്രൂപ്പ് പ്രതിഷേധിച്ചു.
മണ്ഡലം ഭാരവാഹികൾ ചുമതല ഏൽക്കുന്ന ചടങ്ങിനിടെയായിരുന്നു ഐ ഗ്രൂപ്പ് പ്രതിഷേധം. ഇതിനെതിരെ എ വിഭാഗം രംഗത്തെത്തി. തുടർന്ന് ചേരി തിരിഞ്ഞ് ഇരുവിഭാഗവും ഏറ്റുമുട്ടി. അക്രം വ്യാപിച്ചതോടെ ഐഎൻടിയുസി ഓഫീസിലെ കസേരകൾ പ്രവർത്തകർ അടിച്ചു തകർത്തു. പൊലീസ് കേസെടുത്ത് അന്വേഷണം ആരംഭിച്ചു. അതേ സമയം അക്രമം സംബന്ധിച്ച് ജില്ലാ നേതൃത്വം പ്രതികരിച്ചില്ല.
