രാജ്യത്തെ നിര്ബന്ധിത ലോക്ക് ഡൗണ് മൂലം ഔദ്യോഗിക മേഖലയില് തൊഴിലില്ലായ്മ രൂക്ഷമാകുന്നു. സിഎംഐഇയുടെ കണ്സ്യൂമര് പിരമിഡ്സ് ഹൗസ്ഹോള്ഡ് സര്വേ പ്രകാരം മെയ് മുതല് ഓഗസ്റ്റ് വരെ രാജ്യത്ത് 66 ലക്ഷം വൈറ്റ് കോളര് പ്രൊഫഷണലുകള്ക്ക് ജോലി നഷ്ടപ്പെട്ടതായി കണക്കുകളുണ്ട്.
സോഫ്റ്റ്വെയര് എഞ്ചിനീയര്മാര്, ഫിസിഷ്യന്മാര്, അധ്യാപകര്, അക്കൗണ്ടന്റുമാര്, അനലിസ്റ്റുകള് തുടങ്ങിയവര്ക്കാണ് വലിയ രീതിയില് തൊഴില് നഷ്ടം സംഭവിച്ചതെന്ന് സര്വേയില് പറയുന്നു. കഴിഞ്ഞ നാല് വര്ഷമായി ഇവരുടെ തൊഴില് രംഗത്ത് ഉണ്ടായ നേട്ടങ്ങളെല്ലാം തകര്ക്കുന്നതാണ് ലോക്ക്ഡൗണ് സമയത്തെ നഷ്ടം.
യോഗ്യതയുള്ള സ്വയംതൊഴില് പ്രൊഫഷണല് സംരംഭകരെ ഇതില് ഉള്പ്പെടുത്തിയിട്ടില്ലെന്നും സിഎംഇഇ വ്യക്തമാക്കുന്നു. അത്തരക്കാര്ക്കുള്ള തൊഴില് 2019 മെയ്-ഓഗസ്റ്റ് കാലയളവില് 1.88 കോടിയായിരുന്നു എന്നാല് 2020 ജനുവരി-ഏപ്രില് മാസങ്ങളില് ഇത് ക്രമേണ 1.81 കോടിയായി കുറഞ്ഞിട്ടുണ്ട്.
