യു.എ.ഇ കോണ്സുലേറ്റില് നിന്ന് പ്രോട്ടോക്കോള് ലംഘിച്ച് ആയിരം കിലോക്ക് മുകളില് ഈത്തപ്പഴവും ഖുര്ആനും കൈപ്പറ്റിയതില് സംസ്ഥാന സര്ക്കാരിനെതിരെ കസ്റ്റംസ് കേസെടുത്തു. എഫ്സിആർഎ, പിഎംഎൽഎ, കസ്റ്റംസ് ആക്ട് എന്നിവ ലംഘിച്ചതിനാണ് കേസ് രജിസ്റ്റർ ചെയ്തിരിക്കുന്നത്.
2016 ഒക്ടോബറിൽ പ്രവർത്തനം തുടങ്ങിയത് മുതൽ യുഎഇ കോൺസുലേറ്റ് വഴിയെത്തിയത് 17000 കിലോ ഈന്തപ്പഴമാണെന്നാണ് വിവരം. കോൺസുൽ ജനറലിന്റെ പേരിലാണ് ഇത് എത്തിയത്. ഇത്രയധികം ഈന്തപ്പഴം വാണിജ്യ ആവശ്യത്തിനല്ലാതെ ഇറക്കുമതി ചെയ്തതിൽ അസ്വാഭാവികതയുണ്ടെന്ന വിലയിരുത്തലിലാണ് കസ്റ്റംസ് കേസെടുത്തത്. ഇതിന് പുറമേ ഖുർആൻ എത്തിച്ച സംഭവത്തിലും കേസെടുക്കുകയായിരുന്നു.
ടാക്സ് അടക്കം ഇല്ലാതെ നയതന്ത്ര പ്രതിനിധികളുടെ സ്വകാര്യ ചാനല് വഴി സംസ്ഥാന സര്ക്കാര് ഇത്തരത്തില് സാധനങ്ങള് കൈപറ്റാന് പാടില്ലെന്ന് സംസ്ഥാന സര്ക്കാരിന് കൃത്യമായി ബോധ്യമുണ്ടാവേണ്ടതാണ്. എന്നിട്ടും സംസ്ഥാനം അത് കൈപറ്റി വിതരണം നടത്തിയതായും കസ്റ്റംസ് പറഞ്ഞു.