പ്രമുഖ സംവിധായകൻ അനുരാഗ് കശ്യപിനെതിരെ പീഡന പരാതിയുമായി നടി. നടി പായൽ ഘോഷാണ് അനുരാഗ് കശ്യപിനെതിരെ ആരോപണം ഉന്നയിച്ചിരിക്കുന്നത്. അനുരാഗ് കശ്യപ് ഏറെ മോശമായി പെരുമാറിയെന്നും പ്രധാനമന്ത്രി നടപടി സ്വീകരിക്കണമെന്നും പായൽ ട്വിറ്റ് ചെയ്തു. ട്വീറ്റിൽ പ്രധാനമന്ത്രി നരേന്ദ്ര മോദിയെയും ടാഗ് ചെയ്തിട്ടുണ്ട്. കലാകാരന് പിന്നിലെ രാക്ഷസനെ രാജ്യത്തിന് മുന്നിൽ വെളപ്പെടുത്തണമെന്നും, തന്റെ ജീവൻ അപകടത്തിലാകുമെന്ന് അറിയാമെന്നും ട്വിറ്ററിൽ പായൽ കുറിച്ചിട്ടുണ്ട്.
ആറ് വർഷം മുമ്പാണ് അനുരാഗ് തന്നോട് മോശമായി പെരുമാറിയത്. സംവിധായകനെ വീട്ടിൽ കാണാൻ ചെന്നപ്പോഴായിരുന്നു മോശമായി പെരുമാറിയത്. തുടർന്ന് ഇദ്ദേഹം നിരവധി സന്ദേശങ്ങൾ തനിക്ക് അയച്ചിട്ടുണ്ട്. എന്നാൽ ഇതിന്റെയൊന്നും തെളിവ് തന്റെ കയ്യിലില്ല.- പായൽ ഘോഷ് പറഞ്ഞു.
പായൽ ഘോഷിന് പിന്തുണയുമായി നടി കങ്കണാ റനൗട്ട് രംഗത്തെത്തി. മിടൂ ഹാഷ് ടാഗോടു കൂടി പാലയിന്റെ ട്വീറ്റ് പങ്കുവെച്ച കങ്കണ അനുരാഗ് കശ്യപിനെ അറസ്റ്റ് ചെയ്യണമെന്ന് ആവശ്യപ്പെട്ടു.
30 കാരിയായ പായൽ ഘോഷ് തെലുങ്ക്, കന്നട, ഹിന്ദി ചിത്രങ്ങളിൽ അഭിനയിച്ചിട്ടുണ്ട്. 2017 ൽ പുറത്തിറങ്ങിയ പട്ടേൽ കി ശാദിയാണ് ആദ്യ ഹിന്ദി ചിത്രം. തെലുങ്കിൽ 3 ഉം കന്നടയിൽ ഒരു ചിത്രത്തിലും അഭിനയിച്ചിട്ടുണ്ട്. ബംഗാൾ സ്വദേശിയായ പായൽ 17 വയസ്സിലാണ് അഭിനയ രംഗത്ത് എത്തിയത്.