ഏഷ്യന്‍ ഓഹരി വിപണിയില്‍ ആഗോള തലത്തില്‍ വന്‍ ഇടിവ്. കൊവിഡ് കേസുകള്‍ ഗണ്യമായി ഉയരുന്നതാണ് നിക്ഷേപകരേ ആശങ്കാകുലരാക്കുന്നത്. ഏറ്റവും വലിയ ഇടിവ് ഓസ്‌ട്രേലിയയില്‍ ആണ് രേഖപ്പെടുത്തിയത്. വിപണി മൂന്ന് മാസത്തെ ഏറ്റവും താഴ്ന്ന നിരക്കിലെത്തി.
അമേരിക്കന്‍ സമ്പദ്വ്യവസ്ഥയ്ക്ക് കൂടുതല്‍ സാമ്പത്തിക സഹായം ലഭിക്കുമെന്ന പ്രതീക്ഷ മങ്ങിയതും നിക്ഷേപകരെ കൂടുതല്‍ ആശങ്കാകുലരാക്കുന്നു. ദക്ഷിണ കൊറിയ, ഹോങ്കോംഗ്, ചൈന എന്നിവിടങ്ങളിലെയും സ്റ്റോക്ക് മാര്‍ക്കറ്റുകളും ഇടിഞ്ഞു, അതേസമയം ജപ്പാനില്‍ പൊതു അവധിക്കാലമായതിനാല്‍ വിപണി അടച്ചിട്ടിരിക്കുകയാണ്.
തിങ്കളാഴ്ച യുകെ, യുഎസ് സ്റ്റോക്ക് മാര്‍ക്കറ്റുകളും കനത്ത നഷ്ടം നേരിട്ടു. യുകെയിലെ വിപണി ഏകദേശം 50 ബില്യണ്‍ ഡോളറിലധികം നഷ്ടമാണ് നേരിട്ടത്. യൂറോപ്യന്‍, യുഎസ് സ്റ്റോക്ക് മാര്‍ക്കറ്റുകളിലും സമാനമായ ഇടിവ് ഉണ്ടായി.
