കൊവിഡ് ബാധിച്ച തനിക്ക് മറ്റ് ആരോഗ്യ പ്രശ്നങ്ങൾ ഇല്ലെന്ന് മന്ത്രി വിഎസ് സുനിൽകുമാർ. മികച്ച ചികിത്സയും പരിചരണവും ലഭിക്കുന്നതിനിൽ ഉടൻ ആശുപത്രി വിടാൻ ആകുമെന്ന് മന്ത്രി ഫേസ് ബുക്കിൽ കുറിച്ചു.
വിഎസ് സുനിൽ കുമാറിന്റെ ഫേസ് ബുക്കിന്റെ പൂർണ രൂപം-
പ്രിയപ്പെട്ടവരെ, കോവിഡ് പോസിറ്റീവ് ആയതിനെ തുടർന്ന് ഞാനിപ്പോൾ തിരുവനന്തപുരം മെഡിക്കൽ കോളേജിൽ ചികിത്സയിലാണ്. കഴിഞ്ഞ ദിവസം ചെറിയ ചില ശാരീരിക ബുദ്ധിമുട്ടുകൾ അനുഭവപ്പെട്ടതിനെ തുടർന്ന് ഇന്നലെ നടത്തിയ പരിശോധനയിലാണ് പോസിറ്റീവ് ആണെന്ന് മനസ്സിലായത്. ഇപ്പോൾ മറ്റ് ആരോഗ്യപ്രശ്നങ്ങളൊന്നും തന്നെയില്ല. മികച്ച ചികിത്സയും പരിചരണവുമാണ് ഇവിടെ ലഭിക്കുന്നത്. ഏതാനും ദിവസങ്ങൾക്കകം ആശുപത്രി വിടാൻ കഴിയുമെന്നാണ് പ്രതീക്ഷിക്കുന്നത്.
കഴിഞ്ഞ ഒരാഴ്ചക്കിടയിൽ ഞാനുമായി നേരിട്ട് സമ്പർക്കമുണ്ടായിട്ടുള്ളവർ എത്രയും വേഗം ആരോഗ്യ പ്രവർത്തകരുമായി ബന്ധപ്പെട്ട് ആവശ്യമായ മുൻകരുതൽ സ്വീകരിക്കണമെന്ന് അഭ്യർത്ഥിക്കുന്നു. നിങ്ങൾക്കുണ്ടായ ബുദ്ധിമുട്ടുകൾ സദയം ക്ഷമിക്കുമല്ലോ. സർക്കാരും ആരോഗ്യ വകുപ്പും നൽകുന്ന നിർദ്ദേശങ്ങൾ പൂർണമായി പാലിച്ചുകൊണ്ട് ഈ മഹാമാരിയെ നമുക്ക് പ്രതിരോധിക്കാം.