ഇന്ത്യയിൽ നിന്നുള്ള വിമാനങ്ങൾക്ക് സൗദി അറേബ്യ വിലക്ക് ഏർപ്പെടുത്തി. ഇന്ത്യയിലേക്കോ തിരിച്ചോ വിമാനങ്ങൾ അനുവദിക്കില്ലെന്നാണ് സൗദിയുടെ നിലപാട്. ഇന്ത്യയിൽ കൊവിഡ് രോഗബാധ രൂക്ഷമായ സാഹചര്യത്തിലാണ് സൗദി വിമാനങ്ങൾക്ക് വിലക്ക് ഏർപ്പെടുത്തിയത്. വന്ദേഭാരത് ഉൾപ്പെടെയുള്ള വിമാനങ്ങളാണ് വിലക്കിയത്.
സൗദി ജനറൽ അതോറിറ്റി ഏഫ് സിവിൽ ഏവിയെഷൻസ് ആണ് ഇത് സംബന്ധിച്ച് തീരുമാനം എടുത്തത്. കൊവിഡ് വ്യാപനം രൂക്ഷമായ എല്ലാ രാജ്യങ്ങളിൽ നിന്നും വിമാനം വിലക്കാൻ സൗദി തീരുമാനിച്ചു. ബ്രസീൽ അർജന്റീന എന്നിവിടങ്ങളിൽ നിന്നുള്ള വിമാനങ്ങളും ആദ്യ ഘട്ടത്തിൽ സൗദി വിലക്കും.
