ഈ വര്ഷത്തെ എന്ജിനിയറിംഗ്, ഫാര്മസി കോഴ്സുകളിലേക്കുള്ള പ്രവേശന പരീക്ഷ ഫലം പ്രഖ്യാപിച്ചു. ഉന്നത വിദ്യാഭ്യാസ വകുപ്പ് മന്ത്രി ഡോ. കെ. ടി. ജലീലാണ് ഫല പ്രഖ്യാപനം നടത്തിയത്. 53,236 പേരാണ് റാങ്ക് പട്ടികയില് ഇടംപിടിച്ചത്.
എന്ജിനിയറിംഗില് കോട്ടയം സ്വദേശിയായ വരുണ് കെ.എസ് ഒന്നാം റാങ്കും, കണ്ണൂര്ക്കാരനായ ഗോകുല് ഗോവിന്ദ് ടി.കെ രണ്ടാം റാങ്കും നിയാസ് മോന്.പി (മലപ്പുറം) മൂന്നാം റാങ്കും നേടി. ഫാര്മസി പ്രവേശന പരീക്ഷയില് തൃശൂര് സ്വദേശി അക്ഷയ് കെ മുരളീധരനാണ് ഒന്നാം റാങ്ക് കരസ്ഥമാക്കിയത്. www.cee.kerala.gov.in വെബ്സൈറ്റില് ഫലം ലഭ്യമാണ്.
കഴിഞ്ഞ ഒന്പതിന് പ്രവേശന പരീക്ഷയുടെ സ്കോര് പുറത്തുവിട്ടിരുന്നു. ജൂലൈ 16ന് കേരളത്തിനകത്തും പുറത്തുമുള്ള 336 കേന്ദ്രങ്ങളിലായി കീം പരീക്ഷ നടത്തിയത്. 1.25 ലക്ഷത്തോളം വിദ്യാര്ഥികളാണ് പരീക്ഷ എഴുതിയത്. കോവിഡ് വ്യാപന പശ്ചാത്തലത്തില് കര്ശന സുരക്ഷയും സാമൂഹിക അകലവും പാലിച്ചായിരുന്നു പരീക്ഷ നടത്തിയത്.